Elezzjoni
Adrian Delia kkonferma kemm il-PN tilef lilu nnifsu – il-PM

F’attività oħra fil-Fgura l-Erbgħa tard filgħaxija, il-Mexxej Laburista rrefera għad-dibattitu bejnu u bejn il-Kap tal-Oppożizzjoni u qal li matulu Adrian Delia kkonferma kemm il-Partit Nazzjonalista tilef lilu nnifsu.

Fost affarijiet oħra qal li l-Kap Nazzjonalista jikkontradixxi l-ideali Ewropej meta jgħid li l-pajjiż mifqugħ bil-barranin għaliex wieħed mill-erba’ prinċipji kardinali ewropej huwa l-moviment ħieles tal-persuni u f’Malta sebgħa minn kull għaxar barranin huma Ewropej.

Dr Muscat fisser bħala xi ħaġa nkredibbli li seħħet waqt id-dibattitu meta hu bħala Prim Ministru qal li għad fadal ħafna toroq fi stat ħażin u l-Kap Nazzjonalista staqsih fejn huma u qallu li qed jaħli l-flus meta jirranġa t-toroq.

Il-Mexxej Laburista qal li skont Dr Delia, il-Gvern m’għandux jirranġa aktar toroq biex in-nies ma jixtrux aktar karozzi. Żied jgħid li studju li għamel l-ekonomista Gordon Cordina wera li bil-proġetti li qed isiru fit-toroq, se jonqos it-tniġġiż mill-emissjonijiet, se jiġu ffrankati mal-ħames miljun siegħa mit-traffiku u n-nies se jiffrankaw 24 miljun ewro mill-fjuwil.

Il-Prim Ministru qal li l-Gvern diġa ta’ inċentivi fejn jidħol l-użu tat-trasport pubbliku fosthom li ż-żgħażagħ ikollhom trasport b’xejn il-ħin kollu. Qal li t-trasport pubbliku jrid jiġi b’xejn għal kulħadd u ‘l quddiem il-Gvern jibda jħallas lil min juża tal-linja.

Huwa rrefera wkoll għall-istrateġija li ħabbar dwar l-e-sport u l-mira li poġġa biex f’10 snin din l-industrija tiġġenera 1 fil-mija tal-ġid u toħloq 3,000 impjieg. Qal li sakemm jibqa’ Gvern Laburista, ix-xogħol se jibqa’ ġej għax dan hu moviment tax-xogħol.

Aħbarijiet Oħra
Droga

L-Aġenziji li jaħdmu mal-vittmi tad-droga fosthom is-Sedqa u l-Caritas huma tal-fehma li l-użu rikreattiv tal-kannabis m’għandux ikun promoss għax ikattar il-kultura favur l-abbuż tad-droga. Din il-fehma intweriet waqt il-programm Dissett…

Partit Nazzjonalista

Il-President tal-Kunsill Ġenerali tal-Partit Nazzjonalista Kristy Debono qalet fi stqarrija li sabet li 84 mill-200 firma fil-petizzjoni li titlob biex jitlaqqa’ l-Kunsill Ġenerali biex jiddiskuti l-ġejjieni tal-Kap tal-Partit Nazzjonalista huma…

Lokali

Ta’ tnax-il sena sofriet diżabilità minħabba mard u wara ħafna snin ta’ żwieġ kellha tifel bil-kundizzjoni down syndrome. Minkejja l-isfidi, Lorraine Pellicano tgħid li Thomas berkilha ħajjitha u ħerqana li…

Lokali

Meqjusa fost l-ewwel tobba f’Malta li bdiet taħdem bla heda mal-vittmi tad-droga, ħidmet it-tabiba Maria Sciberras tfakkret f’konferenza f’għeluq il-25 sena mit-twaqqif tal-Aġenzija Sedqa u fil-jum internazzjonali kontra l-abbuż u…

Aktar