Politika
Adrian Delia sfiduċjat ukoll mill-Kumitat Eżekuttiv tal-PN

Wara laqgħa ta’ seba’ sigħat, il-Kap tal-Partit Nazzjonalista Adrian Delia tilef vot ta’ fiduċja fil-Kumitat Eżekuttiv tal-Partit Nazzjonalista.

Il-membri tal-kumitat eżekuttiv, inkluż il-membri parlamentari Ewropej, ħadu vot sigriet dwar jekk għandhomx fiduċja f’Adrian Delia bħala Kap tal-Partit Nazzjonalista.

Sebgħa u erbgħin ivvutaw li m’għandhomx fiduċja fih, 36 qalu li għandhom fiduċja f’Dr Delia, u kien hemm astensjoni waħda.

Il-Laqgħa tal-Kumitat Eżekuttiv intemmet għall-ħabta tas-2.00 a.m. fejn ftit tal-ħin wara Adrian Delia ta kummenti lill-ġurnalisti preżenti u sostna li dan il-vot m’hu se jwassal għal imkien u li kien vot intern fi ħdan l-istruttura tal-Partit Nazzjonalista.

Qal li min imbotta din il-mozzjoni kien jaf x’jgħid l-istatut, li ma jistax ikun hemm vot ta’ fiduċja fil-Kap inqas minn sentejn wara li dan ikun diġa seħħ.

“L-istatut tagħna jitkellem ċar. Dan il-vot m’għandu ebda konsegwenza skont l-istatut tagħna, jiġifieri min għamel dan il-vot għamlu sempliċiment biex jagħmel dikjarazzjoni,” saħaq Dr Delia.

Il-membri tal-Kumitat Eżekuttiv tal-Partit Nazzjonalista bdew jinġabru ftit qabel is-7 p.m. fejn barra d-Dar Ċentrali kien hemm ukoll preżenza ta’ pulizija u uffiċjali tas-sigurtà.

Minn ħin għall-ieħor inġabru xi ftit partitarji tal-Partit Nazzjonalista.

Huma u deħlin ftit kienu dawk li taw il-kummenti tagħhom, fosthom l-ex Prim Ministru Lawrence Gonzi li qal li dak li kellu jgħid fil-pubbliku qalu, u Therese Comodini Cachia li qalet li se tibqa’ taħdem għall-għaqda fi ħdan il-Partit Nazzjonalista.

Fl-istess laqgħa tal-Kumitat Eżekuttiv, ġew approvati b’mod unanimu l-ħatriet tal-Kummissjoni Elettorali, Data u rekords, u tal-Kummissjoni Etika, Dixxiplina u Media Soċjali.

Iż-żewġ kummissjonijiet il-ġodda huma parti mir-riforma li nieda l-Partit Nazzjonalista fl-aħħar xhur u joħorġu mill-istatut il-ġdid li ġie approvat fl-aħħar Kunsill Ġenerali.

Ara wkoll:

Delia jgħid li l-vot tal-Kumitat Eżekuttiv tal-PN ma jwassalx biex jitneħħa l-Kap

Aħbarijiet Oħra
Lokali

Dr Lydia Abela, il-mara tal-Prim Ministru, ippreżentat total ta’ €8,000 f’donazzjonijiet li nġabru waqt l-ewwel edizzjoni ta’ ‘A Night at the Palace’, lill-għaqdiet li jaħdmu favur id-drittijiet tal-annimali. Waqt li…

Agrikultura

L-istaġun tal-ħsad tal-għeneb għall-għasir infetaħ mill-Ministru għall-Agrikoltura Anton Refalo, fil-preżenza tal-produtturi tal-inbid Malti. Il-Ministru qal li l-inbid Malti huwa wieħed ta’ kwalità għax l-industrija aġġornat maż-żminijiet. Id-Direttur tad-Direttorat tal-Agrikoltura Saviour…

Lokali

Ġie inawgurat uffiċjalment il-proġett ta’ tour virtwali fil-Katidral ta’ San Pawl fil-Belt Valletta. Dan il-proġett, mgħejjun mill-Awtorità Maltija għat-Turiżmu, inħoloq matul il-pandemija tal-COVID-19 bil-ħsieb li l-katidral xorta waħda jiftaħ il-bibieb…

Storja

Heritage Malta għadha kif fetħet tliet siti ta’ importanza storika li jinsabu f’qiegħ il-baħar biex issa l-aġenzija għandha 15-il sit marittimu b’importanza arkeoloġika. Is-siti huma B-24 bomber Liberator Amerikan li…

Aktar