AĠĠORNAT: Tittajjar żagħżugħa fejn Bieb il-Bombi

Żagħżugħa ta’ 19-il sena mix-Xewkija Għawdex ittajret fi Triq Nazzjonali fi Blata l-Bajda, qabel Bieb il-Bombi l-Furjana u l-kundizzjoni tagħha mhix waħda serja.

L-aċċident seħħ għall-ħabta tas-1.30 p.m. meta ż-żagħżugħa kienet qed taqsam it-triq.

tvm.com.mt jinsab infurmat li l-vettura li tajritha hija tal-Ministeru tal-Finanzi. 

Fi stqarrija l-Ministeru tal-Finanzi kkonferma li l-vettura tal-Ministru kienet involuta f’dan l-aċċident u li l-Ministru Edward Scicluna kien fil-karozza fil-ħin tal-aċċident.

Il-Ministeru qal li l-Ministru Scicluna baqa’ fuq il-post sakemm waslet l-għajnuna medika u l-pulizija.

Il-Ministeru qal li hu infumat li l-mara mhix f’kundizzjoni serja.

Nifhmu wkoll li l-Minsitru tas-Saħħa Godfrey Farrugia inzerta kien għaddej mill-akwati fi triqtu lejn il-Belt wara laqgħa tal-grupp parlamentari u waqaf jgħin personalment lill-vittma.