Barranin
Aħbar ħażina għal min iħobb il-karozzi Tesla

Il-kumpanija Tesla ħabbret li se tkun qed tgħolli l-prezzijiet tal-karozzi elettriċi tagħha b’madwar 3%, wara li rtirat parzjalment id-deċiżjoni biex tagħlaq għadd ta’ ħwienet madwar id-dinja.

L-għeluq ta’ diversi showrooms kellha tkun mossa li tnaqqas l-ispejjeż tal-kumpanija, wara li kien irrappurtat li s-sena li għaddiet kienet l-iktar waħda iebsa għaliha.

Il-ko-fundatur u Kap Eżekuttiv ta’ Tesla, Elon Musk, kien qajjem kontroversja meta ddikjara li l-karozzi tal-kumpanija kienu wisq għolja għall-maġġoranza tan-nies.

Filwaqt li l-kumpanija żammet mal-pjani biex traħħas Model 3, verżjonijiet ta’ Model 3 bl-extras, Model S u Model X, se jkunu qed jogħlew.

Mir-Renju Unit, l-irħas verżjoni ta’ Model 3 tinbiegħ għal €30,500. Mill-banda l-oħra, Model S jibda minn €83,000, filwaqt li Model X jibda minn €92,750. Il-konsumaturi għandhom ċans sat-18 ta’ Marzu biex jixtru l-vetturi b’dan il-prezz qabel ma jogħlew.

Aħbarijiet Oħra
Barranin

Mill-inqas 8 persuni ndarbu wara li pakkett suspettat b’bomba sploda fiċ-ċentru tal-belt Franċiża ta’ Lyon. Lyon hi t-tielet l-ikbar belt fi Franza. Il-Pulizija ssiġillaw ix-xena tal-inċident u bħalissa fuq il-post…

Unjoni Ewropea

Wara li lbieraħ bdew jivvutaw l-Ingliżi u l-Olandiżi, illum kien imiss lill-Irlandiżi u ċ-Ċeki biex joħorġu jivvutaw biex jaħtru d-deputati Ewroparlamentari. Fir-Repubblika Ċeka l-votazzjoni maqsuma fuq jumejn bil-għan li t-turnout…

Barranin

Is-sajf fl-Italja mistenni jkun ikkaratterizzat minn temp estrem, b’perjodu ta’ nixfa u xita qalila. L-esperti tat-temp fl-Italja ltaqgħu dan l-aħħar f’Ruma u qed ibassru li l-istaġun sajfi se jkun kemmxejn…

Barranin

Raġel fl-Istati Uniti ġie arrestat wara li mara rrapportat lill-Pulizija li kien għaddiha biż-żmien u ħadilha $80,000. L-arrestat huwa John Martin Hill ta’ 35 sena, bil-mara tgħid li kienet iltaqgħet…

Aktar