Kurżitajiet
Aħsibha darbtejn jekk beħsiebek tpoġġi hawn

Mil-lum ‘il quddiem, min jiftillu jpoġġi fuq l-aktar taraġ magħruf f’Ruma jista’ jlesti ruħu li jlaqqat multa.

Dan it-taraġ, magħruf bħala Scalinata di Trinità dei Monti, huwa meqjus bħala monument u ħadd aktar ma jista’ jpoġġi fuqu skont il-liġi emendata.

It-turisti baqgħu skantati hekk kif minn ftit jiem ilu bdew jiġu mwiddba mill-pulizija biex ma jistriħux fuq it-taraġ u jsibu bnadi oħra.

Min jikser il-liġi u jpoġġi jew jinqabad jiekol u jixrob fuq it-taraġ jaf jeħel bejn €250 sa €400 multa.