Teknoloġija
Aħsibha darbtejn jekk bi ħsiebek tieħu xi ‘data’

Jekk kont taħseb li reat kriminali jinvolvi biss qtil, kull xorta ta’ vjolenza, jew frodi, mela għarralek. It-teħid ta’ data mingħajr permess huwa meqjus bħala reat kriminali daqstant ieħor gravi.

F’dan il-kuntest, bil-għan li l-pubbliku jsir aktar midħla ta’ dak kollu relatat ma’ użu mhux dovut tal-kompjuter, f’dawn l-aħħar jiem il-MITA qed ixxandar għadd ta’ filmati relatati mas-sigurtà diġitali bit-tama li l-messaġġ tagħha ma jaqax fuq widnejn torox.

F’filmat minnhom, fost l-oħrajn, b’referenza għall-imġiba ta’ dak li jkun fuq il-post tax-xogħol, l-Ispettur Timothy Zammit jiġbed l-attenzjoni għall-fatt li kumpanija, qabelxejn, għandha tagħmel mezz li tipproteġi bis-sħiħ id-data li jkollha f’idejha.

L-Ispettur Zammit żied jgħid li persuna li tiċċaqlaq minn kumpanija għall-oħra qatt m’għandha tgħaddilha minn rasha li tagħmel tagħha kwalunkwe tip ta’ informazzjoni mingħajr permess.

B’rabta mal-viruses, l-Ispettur Zammit saħaq li dak li jkun għandu joqgħod b’seba’ għajnejn għalihom hekk kif dawn jistgħu jinfirxu daqs tazza ilma permezz tal-e-mail jew f’forma ta’ links imxerrda fuq il-midja soċjali, fost oħrajn.

Aħbarijiet Oħra
Kultura

Sal-lum ma kienx faċli li wieħed jikseb informazzjoni dwar l-antenati tiegħu li jmorru lura qabel l-1863 meta bdew jiġu rreġistrati kull twelid, żwieġ u mewt f’Malta u Għawdex. Ħafna minn…

Kultura

Bħal għada filgħaxija, lejlet il-festa tas-Salvatur f’Ħal Lija, id-dilettanti tan-nar kienu joħonqu ż-żoni ċentrali ta’ Malta biex isegwu l-ispettaklu ferm mistenni tal-logħob tan-nar. Din is-sena, minflok fl-għelieqi jħejju għal dan…

Agrikultura

Fis-suq sar hawn għażla liema bħalha. Spiss, tista’ saħansitra tinqeda mill-kumdità ta’ darek u tiffranka lira. Anki jekk, ħafna drabi ta’ li tħallas tieħu. Liema prinċipju jgħodd ukoll għall-agrikoltura. Settur,…

Aktar