Lokali
Ajruplani militari Russi ma jitħallewx itiru mill-ispazju tal-ajru Malti – rapporti

Il-Gvern Malti rrifjuta talba tal-awtoritajiet Russi għall-użu tal-ispazju tal-ajru Malti biex itajru ajruplani militari mis-Sirja għal Veneżwela.

L-aħbar ġiet irrappurtata minn Buzzfeed News u ġiet ikkonfermata minn TVM. Ġie rrappurtat li t-talba Russa lill-Ministeru tal-Affarijiet Barranin Malti saret il-ġimgħa li għaddiet permezz tal-Ambaxxata tar-Russja f’Malta. Ir-Russja talbet permess biex bejn għada u l-Ġimgħa ttajjar żewġ ajruplani militari mis-Sirja għal Caracas u lura. Ġie rrappurtat li skont it-talba Russa, it-titjiriet kienu ta’ natura umanitarja biex jinġarru provvisti tal-ikel, tobba, tekniċi u inġiniera li għandhom bżonn id-diplomatiċi Russi fil-Veneżwela. Intqal li l-ajruplani mhux qed iġorru armi, splussivi jew materjal perikoluż. Ftit tal-ġimgħat ilu, Malta approvat talba simili mir-Russja u ajruplani militari Russi kienu ntlemħu fl-ajruport tal-kapitali tal-Veneżwela, Caracas.

Fir-rapport intqal li tliet ġimgħat ilu, żewġ ajruplani militari Russi użaw l-ispazju tal-ajru tal-Greċja, ta’ Malta u ta’ Ċipru mis-Sirja għal Veneżwela. F’rapport tan-New York Times li kkwota sorsi tal-aġenzija tal-aħbarijiet Russa, it-titjirijiet kienu ta’ rutina u ż-żewġ ajruplani kienu qed iġorru provvisti u konsulenti tekniċi.

Aħbarijiet Oħra
Lokali

Il-familji residenti fil-bini li ġġarraf il-lejl li għadda fi Gwardamanġa u l-ġirien tagħhom jinsabu ttrawmattizzati, li minħabba dak li ġara spiċċaw b’ta’ fuqhom senduqhom. Huma esprimew rabja kbira għaliex qalu…

Trasport

Fil-ġimgħat li ġejjin se jibdew xogħlijiet fil-venda tal-karozzi tal-linja fil-foss ta’ San Ġakbu għal titjib fil-faċilitajiet għal passiġġieri. Il-Ministru għat-Trasport Ian Borg qal li dan l-proġett ser jiswa €400,000 u…

Lokali

Il-membri ġodda li ġew eletti fil-kunsill tal-Kamra tal-Kummerċ kellhom laqgħa mal-Prim Ministru Joseph Muscat f’Kastilja. Il-President tal-Kamra tal-Kummerċ, il-Perit David Xuereb, qal li l-Kamra tal-Kummerċ se tkompli taħdem fl-interess tan-negozju….

Lokali

Il-Prim Ministru Joseph Muscat qal li huwa ironiku li Dr Simon Busuttil u Dr Jason Azzopardi ffirmaw rikors biex il-Qorti twaqqaf il-ħatriet tat-tliet Imħallfin u tliet Maġistrati. Illum, fil-Palazz tal-President,…

Aktar