Edukazzjoni
Akkademiċi u studenti minn 5 pajjiżi jirriċerkaw għal soluzzjonijiet naturali għat-tisħiħ tal-iżvilupp sostenibbli

ReNature, proġett ikkordinat mill-Kulleġġ Malti għall-Arti, ix-Xjenza u t-Teknoloġi, l-MCAST, ser ilaqqa’ flimkien akkademiċi u studenti minn ħames pajjiżi biex jirriċerkaw u jsibu soluzzjonijiet naturali għat-tisħiħ tal-iżvilupp sostenibbli.

Il-Kulleġġ Malti għall-Arti, ix-Xjenza u t-Teknoloġij, l-MCAST ser jikkordina ReNature, proġett biex jinstabu soluzzjonijiet naturali biex waqt li titnaqqas il-ħsara ambjentali, jiġi indirizzat it-tibdil fil-klima.

Dr Mario Balzan, lettur fl-Istitut għall-Applied Sciences qal li fi tmiem il-proġett ser jiġu offruti soluzzjonijiet infrastrutturali li ma jħallux impatti negattivi fuq l-ambjent.

Dr Mario qal “qed nitkellmu fuq spazji urbani, qed nitkellmu fuq sigar fl-Urban, qed nitkellmu fuq green roofs, green walls – numru ta’ soluzzjonijiet bħal dawn li jġibu l-biodiversità fis-cities, fl-ibliet tagħna, u fl-istess ħin nikkontribwixxu għal ħajja aħjar għas-soċjetà.

Dr Balzan qal li bejn l-1980 u l-2010, l-Ewropa tilfet minn tliet mitt biljun Ewro riżultat tat-tibdil fil-klima. Qal li fl-istess perjodu mietu mal-75,000 persuna kawża ta’ mewġiet qawwija ta’ sħana. Qal li soluzzjonijiet ambjentali jwasslu għal tnaqqis fl-għargħar u jnaqqsu l-impatt ambjentali tal-urbanizzazzjoni.

Il-Ministru għall-Edukazzjoni, Evarist Bartolo qal li s-soluzzjonijiet għandhom ikunu parti mit-tfassil tal-pjan għal żvilupp sostenibbli.

ReNature ser isir b’investiment ta’ miljun ewro u huwa iffinanzjat mill-programm Horizon 2022 tal-Unjoni Ewropea. F’dan il-proġett l-MCAST ser tikkollabora mat-Trinity College Dublin, l-Università ta’ Trento u l-Università ta’ East Anglia.

Aħbarijiet Oħra
Kultura

Restawr estensiv fil-Berġa ta’ Aragona kixef forn uniku u fdalijiet storiċi oħra ta’ żmien il-Kavallieri. Hu maħsub li ladarba jitlestew ix-xogħlijiet ta’ restawr f’din il-berġa, dan il-wirt storiku jibqa’ mikxuf…

Kronaka

Fi stqarrija uffiċjali, il-Gvern qal li ħatar inkjesta pubblika indipendenti dwar il-qtil tal-ġurnalista Daphne Caruana Galizia. Il-Prim Ministru Joseph Muscat ħatar lill-Imħallef Emeritu Michael Mallia, biex jippresedi Kummissjoni ta’ Inkjesta…

Ambjent

Mijiet ta’ eluf ta’ dimostranti, ħafna minnhom żgħażagħ inġabru u qed ikomplu jinġabru fi bliet madwar id-dinja fi protesta biex isejħu għal azzjoni immedjata favur il-klima dinjija. F’Malta wkoll, attivitsti…

Droga

Sejba ta’ madwar seba’ kilos ħaxixa tal-Kannabis flimkien ma’ ammont ta’ trab abjad suspettat droga kokajina lesta biex tiġi traffikata saret bis-saħħa tal-Iskwadra ta’ kontra d-Droga u membri tal-RIU. Parti…

Aktar