Barranin
Amsterdam u Pariġi se jospitaw żewġ aġenziji Ewropej li se jitilqu mir-Renju Unit wara Brexit

Il-belt ta’ Amsterdam fl-Olanda ntgħażlet biex tospita l-Aġenzija Ewropea tal-Mediċini (EMA) li se jkollha tiġi rilokata minħabba l-ħruġ tar-Renju Unit mill-Unjoni Ewropea.

Amsterdam intgħażlet bil-polza wara tliet rounds ta’ votazzjoni mill-Ministri ta’ 27 pajjiż. L-ewwel żewġ votazzjonijiet ntrebħu mill-belt ta’ Milan fl-Italja, iżda wara li s-Slovakkja ġiet eliminata mit-taqtigħa, il-Ministru Slovakk astjena u ż-żewġt ibliet kisbu 13-il vot kull wieħed. Għalhekk l-għażla ġiet deċiża billi l-ismijiet ta’ Amsterdam u Milan tpoġġew f’urna u x-xorti daħqet lill-kapitali Olandiża li issa se tospita l-aġenzija ta’ 900 ħaddiem.

Min-naħa l-oħra, ilbieraħ Pariġi ntgħażlet biex tospita aġenzija ferm iżgħar li wkoll se tiġi rilokata mir-Renju Unit; l-Awtorità Ewropea tal-Banek li tfassal ir-regoli li juża l-Bank Ċentrali Ewropew biex tagħmel stress tests fuq il-banek fl-Unjoni Ewropea.

Bħall-EMA, ġara li kien hemm żewġt ibliet kandidati li spiċċaw ras imb’ras wara tliet sessjonijiet ta’ votazzjoni li huma Dublin u Pariġi.  Għaldaqstant il-Presidenza Estonjana tal-Kunsill tal-UE kellha tirrikorri għall-polza u hawn telgħet bix-xorti l-belt ta’ Pariġi.

L-għażla ta’ fejn se jiġu rilokati dawn iż-żewġ aġenziji saret mis-27 Ministru tal-Affarijiet Barranin tal-pajjiżi tal-UE f’laqgħa li saret ilbieraħ fi Brussell.

Aħbarijiet Oħra
Renju Unit

L-għada li l-mexxejja tal-Unjoni Ewropea rrifjutaw il-pjan tal-Prim Ministru Ingliża Theresa May għal Brexit, hija ammettiet li n-negozjati mal-Unjoni Ewropea jinsabu fi sqaq. Żied tgħid li għalkemm trid ftehim, ikun…

Barranin

Fi New York mara li taħdem f’daycare centre tat daqqiet bi strument bil-ponta lill-ħames persuni. Il-vittmi huma 3 itfal, 2 ibniet u tifel li kienu ma’ missierhom u mara oħra…

Barranin

Żagħżugħa ta’ 19-il sena mietet tliet ijiem biss wara li żżewġet lir-raġel li kienet tħobb minn meta kienet għadha tifla. Nina Marino ta’ 19-il sena kellha marda terminali. F’Mejju, 2017…

Barranin

Mill-inqas 86 persuna għerqu wara li vapur b’mijiet ta’ passiġġieri għereq f’Lake Victoria t-Tanzanija. Huwa mifhum li mill-inqas in-numru ta’ vittmi jista’ jitla’ għal iktar minn mitejn. Il-vapur, Mv Nyerere…

Aktar