Barranin
Merkel irreżenjat minn kap tas-CDU – se tibqa’ Kanċillier sal-elezzjoni

Il-Kanċillier tal-Ġermanja Angela Merkel tat l-aħħar diskor tagħha bħala kap tal-partit konservattiv CDU li kienet tmexxi.

Fid-diskors li tat, hija qalet li l-valuri liberali kemm tal-partit kif ukoll tal-pajjiż, għandhom jingħataw il-protezzjoni kemm internament kif ukoll esternament.

Tat x’tifhem li se tkun qiegħda tagħti l-appoġġ kollu tagħha lil Annegret Kramp-Karrenbauer biex tmexxi l-partit flokha fejn Merkel faħħret il-prestazzjoni politika ta’ Karrenbauer bħala ministru ewlieni ta’ Saarland.

Ir-rivali ewlieni ta’ Kramp-Karrenbauer’s huwa l-avukat miljunarju Friedrich Merz.

It-tliet kandidati għal CDU: Annegret Kramp-Karrenbauer, Freidrich Merz u Jens Spahn

Merkel ħarġet bl-unuri hekk kif is-sala fejn tat l-aħħar diskors tagħha dwiet biċ-ċapċip u r-ringrazzjamenti tad-delegati tal-partit u dawk kollha preżenti.

Fid-diskors tagħha Merkel wissiet bi sfidi kbar li se tkun qed taffaċċja d-dinja fil-futur qarib fosthom it-tibdil fil-klima, il-ħajja wara Brexit u li l-UE tibqa’ magħquda.

Merkel se tibqa’ Kanċillier sal-elezzjoni li jmiss iżda mhux se tkun qed tikkuntesta fl-elezzjoni.

 

Aħbarijiet Oħra
Reliġjon

Il-Papa Franġisku preseda l-funzjoni tal-Adorazzjoni tas-Salib fil-Bażilika ta’ San Pietru fil-Vatikan. Il-funzjoni saret bil-Latin għalkemm l-omelija saret minn Patri Raniero Cantalamessa bit-Taljan li bbaża l-omelija tiegħu fuq it-tbatija ta’ Kristu…

Barranin

Ġurnalista li kienet qed tirrapporta dwar irvell f’Londonderry fl-Irlanda nqatlet b’tir. Il-Pulizija qed tittratta dan il-każ bħala inċident terroristiku. Intant, dissidenti Repubblikani qed jiġu akkużati bil-qtil ta’ Lyra McKee ta’ 29…

Barranin

Il-Papa Franġisku ċċelebra l-Quddiesa tal-Aħħar Ċena ta’ Ħamis ix-Xirka f’ħabs qrib Ruma. Huwa ħasel u bies saqajn tnax-il ħabsi. Din hija l-ħames darba li l-Papa mexxa s-servizz lil hinn mill-Vatikan,…

Barranin

Bradley Welsh, boxer, futboler, u attur Skoċċiż, inqatel fi sparatura f’Edinburgh. Bradley, li kellu 42 sena, kien ħalla l-isports warajh biex daħal fid-dinja taċ-ċinema. Huwa kien wieħed mill-atturi ewlenin fil-film…

Aktar