Kurżitajiet
Angelina Jolie tista’ ssir il-President tal-Istati Uniti li jmiss?

L-attriċi ta’ Hollywood Angelina Jolie indikat li qed tikkunsidra tidħol fix-xena politika fil-futur.  F’intervista fuq il-BBC Jolie qalet li 20 sena ilu ma kinitx toħlom li ssir politiku, iżda issa tħoss li tista’ tagħmel pass ieħor fil-karriera tagħha.

L-attriċi Amerikana li hija l-mibgħut speċjali tal-Aġenzija tar-Refuġjati tan-Nazzjonijiet Magħquda kienet mistiedna fil-programm Today Programme tal-BBC li fih iddiskutiet il-politika, il-media soċjali, il-vjolenza sesswali u l-kriżi globali tar-refuġjati.

Mistoqsija qattx ikkunsidrat issir politiku, Jolie wieġbet li mhux l-ewwel darba li ċċajtat dwar karriera fil-politika, iżda sostniet li lesta taħdem ma’ gvernijiet differenti, għalkemm għalissa se tibqa’ twettaq xogħolha fil-kwiet.

Ippressata mill-preżentatur Justin Webb jekk hux se tkun fuq il-lista tad-Demokratiċi għan-nomina tal-kandidat Presidenzjali, Jolie ma qalitx le, iżda wieġbet “grazzi”.

L-attriċi hija fost numru ta’ mistednin li qed jieħdu ħsieb dan il-programm f’edizzjoni speċjali li qed tittella’ f’dawn il-jiem ta’ festi.  Qed taħdem ukoll mal-BBC fuq programm tal-aħbarijiet għat-tfal li se jibda jixxandar kull ġimgħa mis-sena d-dieħla.

Il-programm huwa mmirat għall-udjenza ta’ bejn is-7 u t-12-il sena bil-għan li jrawwem lit-tfal isegwu l-aħbarijiet internazzjonali, b’enfasi fuq suġġetti bħat-teknoloġija, l-ambjent u l-media soċjali.

Aħbarijiet Oħra
Barranin

Ta’ kull filgħodu Vinod Kapri, Indjan li jaħdem fix-xena tal-films minn New Delhi jiċċekkja Twitter. Biss ftit kien jaf li dik it-tfittxija fuq Twitter mhix tas-soltu u se tibdillu ħajtu….

Barranin

F’Toronto l-Kanada, erba’ persuni indarbu fi sparar li seħħ waqt ċelebrazzjoni għar-rebħa tat-tim tal-Basketball Toronto Raptors. L-attakk seħħ matul il-jum, waqt li eluf ta’ nies entużjasti għal dan it-tim tal-basketball…

Barranin

L-ex president Eġizzjan Mohammed Morsi miet fil-Qorti waqt li kienet qed tinstema x-xhieda kontrih. Morsi ħassu ħażin u miet fl-awla. Morsi, li kellu 67 sena, kien qed jattendi smigħ tas-seduta…

Barranin

Dokument ippubblikat illum mill-Vatikan ħabbar l-intenzjoni li s-sinodu jiddiskuti l-possibiltà li rġiel miżżewġa f’partijiet mill-Amerka Latina jitħallew jidħlu għas-saċerdozju. Il-materja se tittella’ quddiem is-sinodu, li se jitlaqqa’ f’Ottubru li ġej,…

Aktar