Lokali
Anzjani mhedda b’sikkina f’darhom minn ħalliel li ma seraq xejn

Ħalliel spiċċa ħarab b’idu f’idu minn residenza ta’ anzjani li pprova jisraq f’Ħal Tarxien.

Il-każ seħħ illum għall-ħabta tan-nofsiegħa meta l-Pulizija ġiet infurmata li kienet seħħet serqa minn ġo residenza li tinsab fit-Triq Sqajjaq.

Il-Pulizija mill-Għassa ta’ Raħal Ġdid marru fuq il-post, fejn minn stħarriġ preliminari rriżulta li persuna mhux mgħarufa daħlet ġo residenza, waqt li ġewwa kien hemm koppja anzjana, raġel ta’ 70 sena u mara ta’ 69 sena.

Il-vittmi allegaw li l-persuna kienet mgħammda u kellu ukoll arma li taqta’ u bil-ponta. L-aggressur rabat lill-vittmi sabiex ma jiċċaqilqux, filwaqt li beda jqalleb fid-dar. L-aggressur ħarab min fuq il-post mingħajr ma seraq xejn.

L-anzjani ma sofrew l-ebda ġrieħi. L-investigazzjonijiet tal-Pulizija fuq dan il-każ għadhom għaddejjin.

Aħbarijiet Oħra
Lokali

Andre Bugeja ta’ 19-il sena u Massimo Fasanelli ta’ 18-il sena, it-tnejn minn Tas-Sliema, baqgħu miżmuma arrestati wara li tressqu l-Qorti mixlija li fil-lejl bejn it-8 u d-9 ta’ Settembru…

Lokali

Il-Kunsill Malti għall-Arti ppubblika l-applikazzjonijiet u r-regolamenti għal dawk li jixtiequ jipparteċipaw f’kompetizzjoni tal-presepji. Il-kompetizzjoni se tkun imqassma f’sitt sezzjonijiet, li jinkludu presepji mekkanizzati u dawk statiċi ta’ daqsijiet differenti….

Lokali

Tħabbar il-programm ta’ attivitajiet għall-kampanja internazzjonali dwar il-vjolenza kontra n-nisa, li se ddum għaddejja sittax-il ġurnata, mill-24 ta’ Novembru sal-10 ta’ Diċembru. Il-Kummissarju kontra l-Vjolenza Domestika, Joe Gerada, qal li…

Lokali

Ftit ġimgħat wara l-ftuħ tal-uffiċini ta’ Business First fl-Imrieħel, tnedew korsijiet ta’ taħriġ għall-imprendituri żgħar u kbar maħsuba biex dejjem jaġġornaw ruħhom aktar mal-opportunitajiet li jistgħu jisfruttaw biex ikomplu jiżviluppaw…

Aktar