Teknoloġija
App ġdida għall-Maltin li jkunu se jsiefru

Il-Ministeru tal-Affarijiet Barranin żviluppa app għall-mobile li tiġbor tagħrif essenzjali dwar kull pajjiż madwar id-dinja. Dan bil-ħsieb li jgħin lill-Maltin jippjanaw ż-żjara tagħhom f’pajjiż ieħor, kemm jekk għal btala, studju jew xogħol.

Is-safar mill-Maltin qed ikompli jiżdied mhux biss lejn destinazzjonijiet tradizzjonali iżda wkoll lejn pajjiżi mbegħda. Jekk nieħdu biss l-aħħar ċifri tal-Uffiċċju Nazzjonali tal-Istatistika, bejn Jannar u Ġunju kien hemm żieda ta’ 42 fil-mija fil-Maltin li vvjaġġaw lejn pajjiżi barra mill-Unjoni Ewropea fuq l-istess perjodu s-sena ta’ qabel.

Anke jekk rari, is-safar iġib ċirkustanzi fejn persuna jkollha tirrikorri għall-għajnuna tal-Ambaxxata jew Konsolat ta’ Malta jew fejn m’hemmx b’kuntatt dirett mal-Ministeru tal-Affarijiet Barranin. Id-direttur tas-servizzi konsulari, John Buttigieg, qal li ħafna mit-talbiet jistgħu jiġu evitati billi wieħed jiċċekkja sew l-affarijiet qabel isiefer bħal li l-passaport hu validu u t-tilqim li jrid jittieħed. Biex jgħin lill-Maltin, il-Ministeru tal-Affarijiet Barranin żviluppa l-app Malta Travel Point.

“Din l-app tindirizza dawn l-elementi kollha f’app waħda, easy to use u faċli biex tużaha u tindrizza dawn l-issues kollha li forsi turist li jkun barra minn Malta jkollu bżonn jaf xi ħaġa u bi press of a buttong speċi jkun jaf eżatt x’għandu bżonn jagħmel,” spjega Buttigieg.

Żied jgħid li l-app Malta Travel Point hi parti mill-kampanja li gvern qed jagħmel biex iressaq servizzi lejn iċ-ċittadini.

Il-Ministru Carmelo Abela qal li l-app hi wkoll għodda importanti f’każi ta’ emerġenza u appella lill-pubbliku biex ikun responsabbli u qabel isiefer ikollu f’idejh l-informazzjoni li jeħtieġ dwar il-pajjiż fejn sejjer.

Aħbarijiet Oħra
Storja

Magna ta’ ajruplan tal-gwerra, li possibilment iġġarraf fit-Tieni Gwerra Dinija, kienet irkurprata minn qiegħ il-baħar fil-bokka tal-Port il-Kbir wara ħidma konġunta bejn l-Università ta’ Malta, Heritage Malta u l-Forzi Armati….

Teknoloġija

Wara l-ajruplani, issa anke l-vetturi bdew jiġu jiġu mgħammra b’kaxxa sewda, li normalment tkun f’nofs il-vettura. Għalkemm s’issa din mhijiex obbligatorja, aktar manifatturi tal-karozzi qed jinkluduha. Fost aktar miżuri biex…

Infrastruttura

Waħda mill-kawżi ewlenin ta’ ħruġ ta’ drenaġġ fit-triq u fil-baħar ġejja minn katusi tal-ilma tax-xita li qed jitqabbdu direttament mas-sistema tad-drenaġġ. Jirriżulta li ħafna ma jafux li dan hu l-każ…

NGOs

Seba’ għaqdiet mhux governattivi Maltin se jwettqu tmien proġetti fl-Afrika bl-għajnuna ta’ madwar nofs miljun ewro mill-programm tal-għajnuna għall-iżvilupp tal-Ministeru tal-Affarijiet Barranin. Il-proġetti jvarjaw minn skola ġdida għall-bniet f’żona rurali…

Aktar