Lokali
ARA: Aktar ma jinqabdu tard il-problemi fis-saħħa mentali aktar jikbru l-konsegwenzi

F’intervista ma’ TVM, il-President tal-Assoċjazzjoni tal-Psikjatri Nigel Camilleri qal li meta l-problemi fis-saħħa mentali tat-tfal ma jiġux indirizzati fl-immedjat ħafna mid-drabi jwasslu għal konsegwenzi kbar.

Skont Dr Camilleri, jekk ċertu imġieba u problemi psikoloġiċi fit-tfal ma jiġux indirizzati fis-snin bikrin, dawn se jigbru f’adulti bi problemi kbar. Qal li ħafna minnhom jibqgħu dipendenti mal-ġenituri tal-ħajjithom kollha, ma jkunux kapaċi jkomplu l-iskola u jsibu xogħol b’uħud saħansitra jispiċċaw il-ħabs.

Dr Camilleri qal li l-evidenza ta’ studji li saru minn diversi esperti barranin juru li meta s-saħħa mentali tiġi indirizzata kmieni, kulħadd jibbenefika minnha – il-pazjent, ta’ madwaru u saħansitra l-Gvern. Il-psikjatra kompla jispjega li problemi fis-saħħa mentali jaf jiswew lill-gvernijiet biljuni ta’ flejjes.

Għalhekk, Dr Camilleri jemmen li Malta għandha bżonn tinvesti aħjar fis-saħħa mentali f’crisis unit kif ukoll home-based unit u sptar ġdid biex jilqa’ u jikkura l-pazjenti fih u jtaffi t-tbatija u l-piżijiet finanzjarji li din il-marda ġġib magħha.

Aħbarijiet Oħra
Kronaka

Ħaddiem weġġa’ gravi wara li waqa’ żewġ sulari f’sit ta’ kosruzzjoni. L-inċident seħħ għall-ħabta tal-10.30am fi Triq il-Ħaddiem, il-Marsa. Il-Pulizija tad-Distrett marru minnufih fuq il-post fejn minn stħarriġ preliminari li…

Elezzjoni

Il-Kap tal-Moviment Patrijotti Maltin Henry Battistino qal li wara li ħareġ ir-riżultat tal-elezzjoni tal-Parlament Ewropew se jirriżenja. Fuq Facebook huwa kiteb li l-Partit li jħobb kellu disfatta u għalhekk se…

Lokali

Uffiċjali tad-Dwana mit-Taqsima tal-Propjetà Intellettwali nterċettaw container fil-Freeport li kien qed iġorr 26,688 qalziet tal-jeans ta’ ditta rinomata li però rriżultaw li kienu kontrafatti (foloz). Fi stqarrija maħruġa mid-Dwana ntqal…

Mużika

Il-grupp mużikali Meadow Strings ħareġ kanzunetta ġdida Alive. Meadow Strings huwa kompost minn Magdalene Farrugia u Mario Camileri. Fil-kanzunetta tagħhom, Alive huma japprezzaw is-sbuħija u l-importanza tal-ambjent. Miġbud qal is-siġar tal-Buskett…

Aktar