Kronaka
ARA: Arrestat wara li ta daqqiet fuq karozzi u għamel bżonnijietu barra

Raġel ġie arrestat mill-Pulizija lbieraħ filgħaxija f’Ħaż-Żebbuġ, wara li beda jġib ruħu b’mod aggressiv ma’ numru ta’ sewwieqa.

Il-każ kien irrappurtat lill-Pulizija ftit qabel it-8.00pm, meta xi persuni marru l-għassa biex jirrapportaw li raġel kien ħarġilhom quddiem il-karozza waqt li kienu qed isuqu fl-inħawi ta’ Misraħ San Filippu.

Allegatament, meta daqqewlu l-ħorn, beda jagħti bis-sieq u bil-ponn mal-karozza.

Xhieda qalu lil TVM li r-raġel beda jagħmel l-istess ma’ sewwieqa oħra.

Il-Pulizija marru fuq il-post u arrestaw lir-raġel, li huwa barrani ta’ 43 sena.

Filmat li ttieħed minn persuni li kienu fuq il-post juri lill-istess raġel jagħmel il-bżonnijiet tiegħu ma’ siġra fil-pjazza qabel ma nġabar mill-Pulizija, li qabduh fil-fatt.

Aħbarijiet Oħra
Enerġija

Fil-budget, il-Gvern ħabbar li se jagħti għotja ta 25%, sa massimu ta’ €1,000, biex jinxtraw batteriji għall-ħażna tal-enerġija rinnovabbli. Għal din l-għotja se jkunu eliġibbli l-familji li għandhom pannelli tax-xemx…

Lokali

L-Istitut Ewropew għall-Ugwaljanza tal-ġeneru kklassifika lil Malta fil-ħmistax il-post, kważi nofs triq fl-ugwaljanza bejn in-nisa u l-irġiel. L-indiċi jkejjel diversi fatturi li jiddeterminaw il-kwalità ta’ ħajja tan-nisa f’pajjiżi Ewropej, mix-xogħol,…

Sajd

Ċifri għall-2017 maħruġa mill-Uffiċċju Nazzjonali tal-Istatistika juru li l-industrija tat-tonn f’Malta ipproduċiet 13,000 tunnellata ta’ tonn, b’valur ta’ kważi €170 miljun li 90% minnu ġie esportat lejn il-Ġappun. Il-Federazzjoni Maltija…

Ambjent

Il-Gvern u l-Oppożizzjoni ppreżentaw mozzjonijiet kontrastanti dwar l-emerġenza fil-klima bil-mozzjoni tal-Gvern temenda dik tal-Oppożizzjoni li trid li jitwaqqaf kumitat parlamentari li jkollu s-setgħa jaħtar superintendent biex jiżġura li Malta tilħaq…

Aktar