Kultura
ARA: Arti mhux tas-soltu fuq il-pjanċi tar-ram

Teknika partikolari u pjuttost unika waslet biex l-artist Corrado Iozia joħloq diversi kwadri li mhux biss ipaxxu l-għajn iżda anke li jibagħtu messaġġ soċjali. Il-wirja tinsab fir-Razzett tal-Markiż fil-Mosta.

Corrado Iozia juża teknika partikolari u pjuttost unika fejn fuq pjanċi tar-ram jimmartella l-inċizjoni li jixtieq joħloq fuq in-naħa l-oħra tal-pjanċa. L-artist Sqalli mhux biss ħoloq kwadri li jpaxxu l-għajn iżda bihom anke qed jibgħat messaġġ soċjali u ambjentali. Biex l-impatt tal-inċizjoni jkun aktar viżibbli u effetti l-artist jagħżel li partijiet mill-inċizjoni jħalliha bil-kulur oriġinali tar-ram filwaqt li partijiet oħra jiżboħhom b’kuluri naturali. Iozia jagħżel ukoll li f’xi kwadri oħra jesaġera u jagħti kulur lin-natura li jwassal messaġġ skont l-esperjenza umana.

L-artist jinsisti li fl-arti tiegħu joħloq il-kwadri tiegħu fuq il-persuna umana, ispirati mill-kobor tal-bniedem iżda fl-istess ħin joħroġ il-fraġilità umana bil-għan li jfittex u jinvestiga x’inhuwa verament dak li jagħmel il-bniedem. Joħloq ukoll dimensjoni ambjentali fejn il-bniedem mhuwiex aktar distint mill-elementi naturali ta’ madwaru iżda pjuttost bil-maqlub jagħmel parti integrali minnhom.

Din mhix l-ewwel darba li Corrado Iozia, li jgħodd 74 sena, esebixxa x-xogħlijiet tiegħu fil-Gżejjer Maltin, tant li din hija s-seba’ wirja tiegħu għall-udjenza Maltija. Matul il-karriera tiegħu Iozia tella’ esebizzjoni ma’ diversi artisti ta’ livell ogħli u kienu ħafna l-kritiċi li kitbu dwar il-kwadri tiegħu li ħafna minnhom jinsabu f’kollezzjonijiet privati.

L-esebizzjoni tinsab fir-Razzett tal-Markiż fil-Mosta wara li l-Għaqda Filantropika Talent Mosti stiednet lill-artist Corrado Iozia iġib lejn Malta numru sostanzjali ta’ kwadri. Il-wirja ser iddum miftuħa sad-29 ta’ Settembru.

Aħbarijiet Oħra
Festi

Tliet politiċi kienu fost tnejn u għoxrin personalità li ġew onorati bid-dekorazzjonijiet tal-istat. Magħhom ġew onorati wkoll diversi personalitajiet għas-servizzi li taw fil-karrieri distinti tagħhom. Fosthom jispikkaw il-kuntistabbli Simon Schembri,…

Stejjer Umani

Omm Maltija tista’ tgħix ħajja normali wara li rċeviet trapjant minn organu ta’ baqra. Shirley Fenech, omm Maltija, għexet ħajja normali sal-2016 meta ħabta u sabta ħassha ħażin, intilfet minn…

Lokali

Il-Prim Minsitru tar-Renju Unit, Theresa May, qalet li hi mhix se tmexxi l-Partit Konservattiv għall-elezzjoni ġenerali li jmiss, erba’ snin oħra. May għamlet din id-dikjarazzjoni fi Brussel qabel daħlet għal-laqgħa…

Lokali

Qed jinbidlu bħalissa l-bozoz kollha li jdawlu t-toroq ewlenin f’Malta fi proġett li mistenni jnaqqas il-konsum tal-elettriku b’madwar 70%. Il-bozoz il-ġodda, aktar minn tliet elef, huma tal-għamla LED u joffru…

Aktar