Barranin
ARA: Baleni jpaxxu l-għajn u jaħsdu lis-sajjieda fil-Baħar l-Aħmar

Sajjieda rnexxielhom jaqbdu bil-mobile xeni rari ta’ baleni jikkaċċjaw fil-Baħar l-Aħmar, ‘il barra mill-kosta tal-Arabja Sawdija.

Il-baleni, magħrufa bħala orcas jew killer whales, dehru qed jaqbdu u jieklu denfil.

Is-sajjieda baqgħu affaxxinati bil-preżenza ta’ dawn il-ħlejjaq kbar. Il-biża’ ma naqsitx, kif jixhdu l-kummenti tagħhom meta l-baleni daħlu taħt id-dgħajjes.

L-aħħar li dawn il-baleni dehru fil-Baħar l-Aħmar kien tliet snin ilu fil-Golf ta’ Aqaba. Esperti tal-ambjent marittimu qed jappellaw għal studji li jixħtu iktar dawl fuq il-popolazzjoni ta’ dawn il-baleni f’din il-parti tad-dinja.