Lokali
Ara: Baqa’ jdaħħaq lin-nies minkejja li kien ibati minn dipressjoni qawwija

Il-kantant u attur komiku Joe Demicoli żvela ma’ TVM li għamel snin ibati minn dipressjoni qawwija, u li matulhom xorta kien jitla’ fuq il-palk idaħħhaq lin-nies. Joe Demicoli qal li ddeċieda li jitkellem fuq dak li għadda biex jagħmel kurraġġ lin-nies li għaddejjin mid-dipressjoni beix ifittxu l-għajnuna.

Joe Demicoli ilu fil-karriera tal-palk erbgħin sena, u f’ħafna okkażjonijiet kien jaqsam l-udjenza bid-daħk biċ-ċajt tiegħu.

Lil hinn mid-dinja tal-palk u d-daħq, Joe stqarr ma’ TVM li fl-20.10 beda jbati minn dipressjoni qawwija li kawża tagħha, lanqas biss kien ikollu aptit iqum mis-sodda.

Joe Demicoli stqarr li “għaddejna minn problema fl-2010 u kienet qed taffettwani ftit ftit u li kienet depression, dwejjaq inspjegabbli, tqum mis-sodda u tgħid uff xi dwejjaq reġa’ sebaħ.”

Joe jgħid li għamel sitt snin għaddej minn sitwazzjoni li matulhom anke l-ikel għalih sar togħma ta’ aċtu.

Minkejja d-dipressjoni, Joe Demicoli ma qatax mill-palk għaliex bih jgħid kien l-awqa mediċina biex iderri.

Joe Demicoli qal li “ħadt pirmli imma ebda pirmla ma kienet aħjar milli mikrofonu f’idejja quddiem in-nies”.

Joe qal li t-terapija tiegħu sabha wkoll f’kotba li bihom fehem li d-dipressjoni huma ħsibijiet ħżiena li trid twarrabhom.

Joe Demicoli spjega li “depression hi ħsibijiet ħżiena ġo moħħok u jsiru parti minnek, u ddaħħal ħsibijiet tajbin u tista’ tagħmilha.”

Joe huwa membru ta’ paġna fuq Facebook bl-isem ta’ Heal your Life Malta li fiha bosta nies bi sfidi mentali li jiftħu qalbhom ma’ xulxin.

Qalilna li issa li jifhem aħjar it-tbatija tal-mard mentali, se jibqa’ jikteb il-kanzunetti komiċi u jdaħħaq lin-nies għax jemmen li ċ-ċajt huwa duwa li jġib il-ferħ li jbiegħed lin-nies mill-mard mentali.

Aħbarijiet Oħra
Gazzetti

Din hija ħarsa ħafifa lejn il-gazzetti ppubblikati llum il-Ħadd 22 ta’ Lulju 2018: Fl-ewwel paġna ta’ The Sunday Times of Malta insibu storja li tgħid grupp ta’ depożitanti tal-bank Pilatus…

Edukazzjoni

Il-qari huwa importanti iżda kemm hu faċli li nġorru ktieb u naqrawh? Ninsabu fl-eqqel tas-sajf – loġikament l-iktar staġun mill-erbgħa li matulu żgħar u kbar ikollhom ftit ħin iżjed mis-soltu…

Lifestyle

It-tradizzjoni tal-ġostra għall-komunità Misidjana hija appuntament annwali li jaħbat mal-festa ta’ San Ġużepp. Mixgħula u mżejna għall-festa tal-patrun tagħha, matul din il-ġimgħa f’din il-lokalità saru l-kompetizzjonijiet tal-ġostra, li d-drawwa tagħha…

Lokali

Esperjenza unika u differenti minn tas-soltu għal Christine Borg u Tonio Mercieca, żewġ residenti tad-Dar tal-Providenza b’diżabilità fiżika li jgħixu f’Dar Akkwarell fil-Qawra. Is-Sibt filgħodu Christine u Tonio marru dawra…

Aktar