COVID-19
ARA: Bosta bakkru biex imorru jaqtgħu xagħarhom

Fl-ewwel ġurnata tan-negozju wara xahrejn magħluqa, hairdressers, beauticians u nail technicians kellhom ġurnata mimlija, hekk kif bosta klijenti kienu qed jistennew fuq ix-xwiek dan il-mument biex jerġgħu iħarsu lejn il-mera b’sens ta’ sodisfazzjon.

Waqt li uħud għadhom itellgħu u jniżżlu kif ser jgħixu n-normalità ġdida, fl-ewwel jum li fetħu l-ħwienet tas-sbuħija, tal-barbiera u tax-xagħar, bosta klijenti bakkru biex jinqdew, anke jekk dawn kienu meqjusa ħwienet mhux essenzjali meta ngħalqu xahrejn ilu.

Il-parrukkiera u l-beauticians kienu ilhom magħluqin mit-23 ta’ Marzu u reġgħu fetħu wara li saret analiżi tar-riskju u l-awtoritajiet tas-saħħa imponew sensiela ta’ miżuri ta’ mitigazzjoni biex il-virus ikompli jitrażżan.

Fin-normalità l-ġdida, is-sidien ta’ dawn il-ħwienet malajr adattaw biex isegwu l-miżuri ta’ mitigazzjoni u l-protokolli tas-sigurtà, maskri, sanitizers u termometri biex inaqqsu r-riskji ta’ trażmissjoni mill-Covid-19. U l-klijenti jidher li kienu jistennew u ħerqana għas-servizz tagħhom.

Ara x’kellhom xi jgħidu:

Aħbarijiet Oħra
Kronaka

Il-pulizija kkonfermat ma’ TVM li persuna tilfet ħajjitha għall-ħabta tal-05:00 ta’ dalgħodu wara li ħanut fi Triq Ħal Qormi, il-Marsa inbela’ min-nirien. L-identita’ tal-vittma għadha mhux magħrufa. Fuq il-post issejħu…

Avjazzjoni

L-Air Malta lbieraħ temmet l-ewwel titjira lejn Cochin, fl-India. Dan huwa l-ewwel vjaġġ tax-xorta tiegħu għall-Air Malta. F’post fuq il-midja soċjali, il-Ministru għall-Ekonomija u l-Investiment, Silvio Schembri qal li dan…

Parlament

Il-Whip tal-Gvern Glenn Bedingfield għamel għadd ta’ mistoqsijiet lid-deputati nazzjonalisti fl-Oppożizzjoni dwar ir-relazzjonijiet ma’ Yorgen Fenech li huwa akkużat bħala l-mandant tal-qtil tal-ġurnalista Daphne Caruana Galizia. Id-deputat Bedingfield – li…

Aktar