Barranin
ARA: Familja sħiħa twettaq l-attakki fl-Indoneżja li qatlu 13

Koppja flimkien mal-erbat uliedhom kienu responsabbli għal attakk suwiċida fuq tliet knejjes fl-Indoneżja. Fl-attakk inqatlu 13-il persuna u ndarbu għexieren oħrajn.

Tifla ta’ 9 snin kienet fost il-membri tal-familja li wettqu dan l-attakk illum fil-belt Surabaya.

L-ewwel attakk sar għall-ħabta tas-7.30 ta’ filgħodu miż-żewġ subien ta’ 16 u 18-il sena, li daħlu fi knisja bil-muturi u waddbu l-bombi. Il-missier saq karozza f’ċentru pastorali u spoldiha, filwaqt li l-omm u ż-żewġt ibniet ta’ 9 u 12-il sena splodew lilhom infushom fi knijsa oħra.

Dan huwa l-agħar attakk li twettaq sa mill-2005, u l-ewwel wieħed li fih intużaw it-tfal. Dawk involuti huma msieħba fi grupp ispirat mill-Istat Iżlamiku, imsejjaħ Jemaah Ansharut Daulah (JAD).

Il-President Joko Widodo żar il-postijiet tal-attakki, li ddeskriva bħala barbariċi. Huwa qal li kien ordna lill-pulizija jkissru xbieki ta’ dawn it-terroristi. Fl-istess jum il-pulizija qalet li kienet qatlet erba’ suspettati u arrestat tnejn oħra.

Ara wkoll:

Disa’ mejta f’attakk fuq tliet knejjes fl-Indoneżja

Aħbarijiet Oħra
Barranin

Il-Kap Eżekuttiv tal-kumpanija Apple, Tim Cook, ħabbar li s-sena d-dieħla l-kumpanija se tkun qed tiftaħ l-ewwel ħwienet tagħha fl-Indja. Hu ħabbar dan waqt laqgħa tal-azzjonisti, fejn qal li l-kumpanija kellha…

Barranin

L-Italja huwa uffiċjalment l-iktar pajjiż fid-dinja fejn il-virus qed jinxtered b’ rata mgħaġġla, saħansitra iktar miċ-Ċina, minn fejn beda. Ilbieraħ l-Italja rat żieda ta’ 25% f’każi ġodda ta’ Covid-19, fejn sa…

Barranin

Mil-lat internazzjonali aktar pajjiżi ewropej irrapurtaw każijiet ta’ Coronavirus. Fl-Italja, l-imwiet telgħu għal tnax waqt li hemm 400 każ ta’ Coronavirus, fosthom sitt itfal. Dan ma wassalx lill-pajjiżi ġirien biex…

Barranin

Għadd ta’ pajjiżi Ewropej ħabbru li għandhom l-ewwel każijiet ta’ coronavirus u lkoll jidhru li huma assoċjati mal-imxija tal-virus li bdiet fl-Italja. L-Awstrija, il-Kroazija u l-Iżvizzera qalu li l-każijet jinvolvu…

Aktar