Lokali
ARA: Federica Falzon lura fix-xena b’ġeneru mużikali ġdid

Federica Falzon, rebbieħa tal-programm Ti Lascio Una Canzone fl-2014 fuq Rai Uno, kif ukoll ir-rappreżentanta Maltija tal-Junior Eurovision 20014, nediet cover version u video tal-kanzunetta ‘Dancing On My Own’.

Oriġinarjament din il-kanzunetta kienet kantata minn Robyn fl-2010. Il-kanzunetta miktuba minn Robyn stess u Patrik Berger titkellem dwar persuna li tkun qed tiżfen waħedha f’night club, filwaqt li tkun qed tħares lejn l-ex maħbub tagħha jiżfen ma’ tfajla ohra.

Fl-2016 Calum Scott kanta verżjoni oħra bħala cover ta’ ‘Dancing On My Own’ waqt Briatan’s Got Talent. Il-verżjoni l-ġdida għamlet suċċess kbir u saħansitra telgħet sal-quċċata taċ-charts.

Federica qalet lil TVM li għażlet din il-kanzunetta flimkien mal-vocal coach Gillian Zammit. Minkejja li tistudja mużika klassika, il-kantanta żagħżugħa qalet li dejjem xtaqet tkun aktar versatili u tipprova ġeneri oħra ta’ mużika.

Minn mindu kantat ‘Diamonds’, Federica ma waqfitx tistudja t-teknika tal-vuċi u dan l-aħħar ukoll qed tieħu sehem fuq sensiela televiżiva. Stqarret ma’ TVM li issa għandha ppjanat li tirrekordja covers oħra, kif ukoll bi ħsiebha taħdem fuq materjal ġdid oriġinali.

Aħbarijiet Oħra
Lokali

Ħafna mix-xogħol fl-industrija tal-kostruzzjoni jinsab wieqaf. Dan ġie konfermat kemm mill-Kamra tal-Periti kif ukoll mill-Assoċjazzjoni tal-Iżviluppaturi. Dan fid-dawl tar-regolamenti l-ġodda li saru mill-Gvern dwar ix-xogħol ta’ skavar, twaqqigħ u kostruzzjoni…

Kronaka

Tifla ta’ 10 snin u mara ta’ 44 sena spiċċaw l-isptar wara ħabta fiż-Żejtun. L-inċident seħħ fi Triq tal-Barrani għall-ħabta tal-4pm bejn żewġ vetturi. Karozza minnhom kienet misjuqa minn mara…

Lokali

Fl-aħħar tletin sena, minn istitut f’Malta ta’ waħda mill-aġenziji speċjalizzati tan-Nazzjonijiet Magħquda, iggradwaw ‘il fuq minn 1,000 professjonist fil-qasam marittimu li huma mfittxija għal pariri legali mill-gvernijiet u l-industrija. It-tletin…

Lokali

Il-Federazzjoni Maltija għall-Produtturi tal-Akwakultura qalet li tinsab ippreokkupata bl-għadd ta’ irjus ta’ tonn, karkassi u tonn sħiħ fi stat qawwi ta’ dekompozizzjoni li qed jiġi rrapurtat dan l-aħħar. Fi stqarrija,…

Aktar