Barranin
ARA: F’Malta jitla’ l-awrat… u fl-Awstralja?

F’Malta kulħadd kien sorpiż meta l-awrat beda tiela’ l-art. Fl-Awstralja s-sorpriżi jkunu kemmxejn ikbar… u inqas pjaċevoli!

Filmat ippubblikat fuq il-midja soċjali juri raġel f’tarf għadira mdaqqsa fin-Northern Territory. F’idejh għandu dik li tidher bħala biċċa laħam.

Ir-raġel iħabbat l-ikel mal-wiċċ tal-ilma, naturalment bit-tama li jattira annimal. Ix-xewqa tiegħu jaqtagħha, iżda ħafna iktar malajr milli ħaseb.

Kukkudrill kbir itir minn taħt l-ilma b’ħeffa kbira, tant li r-raġel, maħsud, bilkemm jilħaq jagħmel pass lura biex jevita dik li setgħet tkun gidma fatali.

Kieku l-kukkudrill kien eqreb jew ir-raġel kien inqas ħafif, il-kukkudrill probabbli kien jispiċċa jiekol iktar minn sehemu.

Il-persuna li tellgħet il-filmat fuq Instagram wissiet lill-pubbliku biex joqgħod attent minn għadajjar bħal dawn, u jgħum biss fil-postijiet indikati mill-awtoritajiet.

https://www.instagram.com/p/Bu2RoKuDRhJ/?utm_source=ig_web_copy_link

Aħbarijiet Oħra
Barranin

Il-President tal-Kazakhstan, Nursultan Nazarbayev, irriżenja mill-kariga wara 30 sena. Huwa kien l-uniku mexxej ta’ dan il-pajjiż minn tmiem l-Unjoni Sovjetika. Nazarvayev, li għandu 78 sena, qal li ma kinitx deċiżjoni…

Barranin

Il-Gvern Ingliż qal li ser jipprova jgħaddi l-ftehim dwar il-Brexit tal-Prim Ministru Theresa May mill-Parlament, hekk kif in-negozjatur ewlieni tal-Unjoni Ewropea għal Brexit, Michel Barnier, qal li jridu jiġu mwieżna…

Barranin

Każ traġiku f’Modena, fl-Italja, meta mara ta’ 47 sena qabżet mill-10 sular ta’ binja appartamenti bin-neputi ta’ 5 snin f’dirgħajha. “Irrid insalvah, naħrab bih,” kienet dejjem tgħid Silvia Pellacani dwar…

Barranin

Il-Ministru għall-Intern Taljan, Matteo Salvini waqqaf bastiment tas-salvataġġ milli jidħol f’kwalunkwe port Taljan. Il-bastiment Mare Jonio salva 49 immigrant, li fosthom hemm 12 li huma minuri, mill-periklu li kienu jinsabu…

Aktar