Elezzjoni
AĠĠORNAT: Jean Claude Micallef elett Membru Parlamentari

Meta l-Parlament jerga’ jiltaqa’ x-xahar id-dieħel ser ikollu deputat ġdid, Jean Claude Micallef, li ġie elett f’elezzjoni każwali fit-tielet distrett flok Helena Dalli li issa bdiet isservi bħala Kummissarju Ewropew. Fl-ewwel kummenti tiegħu, is-Sur Micallef qal li l-ħidma tiegħu fil-Parlament ser tiffoka fuq l-għaqda nazzjonali.

L-elezzjoni każwali fit-tielet distrett għas-siġġu vakat minn Helena Dalli, ħadet madwar ħames sigħat.

Fl-ewwel gġadd, is-sindku ta’ Wied il-Għajn Mario Calleja kiseb l-akbar għadd ta’ voti fl-ewwel għadd. Is-sitwazzjoni iżda bdiet tinbidel fit-tieni għadd tal-voti meta Jean Claude Micallef beda jiret aktar voti mis-sur Calleja. Għall-elezzjoni każwali li tmexxiet mill-Kummissjoni elettorali fiċ-ċentru tal-għadd tal-voti fin-Naxxar ikkontestaw erba’ kandidati li fl-aħħar elezzjoni kienu ħarġu fit-tielet distrett.

Fl-ewwel kummenti wara li ġie elett, Jean Claude Micallef qal li l-ħidma tiegħu fil-parlament ser tiffoka fuq l-għaqda nazzjonali.

“Ser inkun qiegħed ningħaqad fl-għola istituzzjoni tal-pajjiż fi żmien delikat u sensitiv, għaldaqstant ser nara li nkun qed nikkontribwixxi għal għaqda nazzjonali, dik li ninfatmu mit-tribaliżmu politiku”.

Il-proċess tal-għadd tal-voti sar bil-mod tradizzjonali minħabba li l-elezzjoni tal-2017 kienet għadha ma daħlitx is-sistema tal-għadd tal-voti b’mod elettroniku.

Ara wkoll:

Jagħlqu n-nomini għall-elezzjoni każwali fuq it-3 Distrett

 

Aħbarijiet Oħra
COVID-19

Fl-aħħar 24 siegħa ħarġu 55 każ ġdid u fiequ 13-il persuna. B’hekk b’kollox hawn 528 każ attiv. Dan wara li saru rekord ta’ swab tests – 2,485. Fl-aġġornament mediku, il-Ministeru…

Lokali

Is-Segretarju Parlamentari għall-Persuni b’Diżabilità u Anzjanità Attiva, Silvio Parnis ħabbar li se ssir is-seba’ edizzjoni tal-Premju Anzjanità Attiva 2020, b’din id-darba se jiġu ntrodotti żewġ premji ġodda, Premju għall-anzjanità attiva…

Edukazzjoni

Nhar l-Erbgħa, it-12 ta’Awwissu, l-Aġenzija Nazzjonali tal-Litteriżmu bi sħab mal-Ministeru għall-Ambjent, it-Tibdil fil-Klima u l-Ippjanar, nediet kompetizzjoni bil-għan li tkompli tqajjem kuxjenza fuq l-importanza li nibżgħu għall-bajjiet u l-ambjent marittimu…

COVID-19

Ta’ kuljum qed isiru ammonti kbar ta’ testijiet għall-coronavirus. F’dan ix-xenarju, Is-Servizz Nazzjonali tat-Trasfużjoni tad-Demm qed mill-ġdid ifakkar li dawk il-persuni li jkunu qed jistennew biex jagħmlu t-test, jew ikun…

Aktar