Agrikultura
ARA: Għalfejn iż-żebbuġ Malti jagħmel fost l-ifjen żjut?

Deskritt bħala wieħed mill-ifjen żjut minn esperti u chefs magħrufa internazzjonalment, fosthom Jamie Oliver, iż-żejt taż-żebbuġa Malti għandu karatteristiċi partikulari li jiddistingwuh.

Sejbiet arkeoloġiċi juru li elfejn sena ilu, ir-Rumani kienu diġa’ jipproduċu ż-żejt taż-żebbuġa f’Malta. Iż-żagħżugħ Immanuel Grima, li wiret il-passjoni għall-agrikoltura minn missieru, qal li minn ftit tas-snin ilu ‘l hawn reġa’ hawn interess fl-industrija taż-żejt taż-żebbuġa.

Iltqajna miegħu fil-Wardija fejn jikkultiva s-siġar taż-żebbuġ. Spjega li ma jistgħux isiru paraguni bejn iż-żejt taż-żebbuġa Malti ma’ żejt ieħor taż-żebbuġa impurtat li jinbiegħ bi prezz orħos.

“Meta qed tuża żebbuġ ta’ kwalità għolja u ovvjament ma jkollokx produzzjonji qawwija, fil-każ ta’ Malta il-produzzjoni hija baxxa ħafna u meta qed tuża varjetà waħda, il-prodott se jkollu inqas volum,” qal is-Sur Grima.

Spjega li bħall-industrija tal-inbid, anke fl-għasir taż-żebbuġ hemm fatturi li jikkontribwixxu għall-kwalità għolja taż-żebbuġ li jintuża.

“Siġar taz-żebbuġ tal-Bidni, li huma siġar Maltin li għexu f’pajjiżna għal eluf u mijiet kbar ta’ snin, fejn jipproduċu ċertu togħma partikolari taż-żejt li jiġi prodott minnhom. Hija taħraq, peppery, tkun fiha antioxidants u Polyphenols elevat li jagħtu togħma partikolari.”

Is-Sur Grima qal li f’Malta l-produzzjoni taż-żejt taż-żebbuġa hi żgħira, iżda nnota li l-produtturi taż-żejt jikkollaboraw bejniethom biex jippromovu iż-żejt taż-żebbuġa Malti. Qal li filwaqt li sa għaxar snin ilu kien hemm biss pressa waħda li tagħsar iż-żebbuġ fil-Wardija, illum hawn madwar għaxra, anke jekk m’hijiex industrija li minnha tagħmel għajxien.

Is-Sur Grima qal li minn tlettax-il tomna art fejn għandu madwar sitt mitt siġra taż-żebbuġ, kull sena jipproduċi bejn 200 u 250 litru żejt taż-żebbuġa.

Aħbarijiet Oħra
Infrastruttura

Il-Korporazzjoni għas-Servizzi tal-Ilma minn għada se tibda tiswijiet fis-sistema ta’ katusi f’qiegħ il-baħar li jintuża għar-rimi ta’ drenaġġ trattat mill-impjant ta’ Għawdex. Il-ħidma delikata li għandha tieħu madwar tliet ġimgħat…

Kronaka

Raġel ta’ 33 sena weġġa’ gravi f’inċident bil-mutur f’Birkirkara. Il-Pulizija kienet infurmata bl-inċident fi Triq il-Wied għall-ħabta tal-4.45pm. Fi stqarrija l-Pulizija qalet li s-sewwieq, li jgħix il-Pietà, kien qed isuq…

Saħħa

F’Malta hawn madwar 7,000 persuna li għandhom id-demenzja, bl-istudji juru li l-għadd mistenni jiżdied għal mill-inqas 13,000 sal-2025. L-esperti jemmnu li din hija biss ix-xifer tal-istampa, minħabba li għadd ta’…

Stejjer Umani

Għalkemm il-Maltin ikunu qed jistennew is-sajf bil-ħerqa biex jaqtgħu xi ftit mir-rutina ta’ kuljum tax-xogħol, mhux l-istess jista’ jingħad għal Alfred Attard li ilu aktar minn 40 sena jiġbor il-melħ…

Aktar