Lokali
Ara: Għax hu qed isofri, jgħin biex titlesta d-dar għal tfal u żgħażagħ bi sfidi mentali

Alessandro Salerno li tkeċċa mix-xogħol wara li tkellem pubblikament fuq l-isfidi mentali tiegħu, se jgħin fil-kampanja tal-Fondazzjoni Richmond biex tkun mgħammra dar fil-Ħamrun li se toffri servizzi lil tfal u żgħażagħ bi sfidi mentali. Il-kampanja ser tieħu spinta fl-edizzjoni ta’ għada tal-programm Xarabank bit-tir li d-dar tigi rranġata u mgħammra b’xogħol volontarju.

Il-Fondazzjoni Richmond għandha dar kbira fil-Ħamrun ġebel u saqaf u trid tirranġaha u tgħammarha biex toffri servizzi għal tfal u żgħażagħ li jeħtieġu l-appoġġ u għajnuna professjonali għall-isfidi partikolari tagħhom.

Alessandro Salerno li għandu l-kundizzjoni bi polar se jkun qed jgħin lill-Fondazzjoni Richmond biex twettaq dal-proġett ambizzjuż hekk kif sa issa żgħażagħ b’kundizzjonijiet mentali m’għandhomx servizz bla ħlas.

Alessandro Salerno stqarr li “għalhekk qiegħed hawn jien biex in-nies bħali u agħar minni jqumu minn hemm m’għandna xejn differenti, aħna kollox nistgħu nagħmlu.”

Stephania Dimech Sant, il-Kap Eżekuttiv tal-Fondazzjoni Richmond qalet li d-dar se toffri residenza għal tfal bi sfidi mentali li ma jistgħux jgħixu mal-ġenituri tagħhom, u servizzi terapewtiċi għaż-żgħażagħ bi sfidi mentali. Il-Fondazzjoni sabet l-appoġġ tal-programm xarabank biex tibda twettaq il-ħolma tagħha.

Stephania Dimech Sant qalet li “jekk jirnexxielna permezz ta’ dan il-programm se niġbru l-affarijiet biex inlestu din id-dar għal residenza ġdida għat-tfal u servizzi għaż-żgħażagħ.”

Maria Desira mit-tim Xarabank qalet li “qed inħeġġu wkoll lill-ħaddiema, electricians, plumbers biex id-dar titlesta kemm jista’ jkun malajr”.

Alessandro Salerno li bħalissa qiegħed fuq kura jappella biex min għandu sfidi mentali jfittex l-għajnuna. Stqarr li “jekk inti tbati minn xi ħaġa oħroġ, aċċetta lilek innifsek għax hemm tirranġa ħajtek.”

Aħbarijiet Oħra
Qorti

Themistocles Attard minn Birżebbuġa nfexx jibki u jħabbat idejh fuq rasu malli sema’ li ser jinżamm arrestat wara li ġie akkużat li wettaq hold up f’ħanut tal-merċa f’Santa Venera u…

Qorti

L-avukat Ann Fenech rebħet żewġ kawżi ta’ libell kontra l-Prim Ministru u l-President tal-Partit Laburista dwar żewġ stqarrijiet li l-Partit Laburista ħareġ li fiha kien implika li Dr Fenech ingħatat…

Qorti

Il-Kummissarju tal-Pulizija Lawrence Cutajar qal li l-investigazzjonijiet tal-Pulizija dwar l-inkjesta Egrant għadhom għaddejjin. Fix-xhieda tiegħu fil-Qorti Kostituzzjonali waqt ir-rikors imressaq mill-Kap tal-Oppożizzjoni biex il-Qorti tordna lill-Avukat Ġenerali jagħtih kopja sħiħa…

Lokali

L-Awtorità ta’ Malta għall-Kompetizzjoni u għall-Affarijiet tal-Konsumatur (MCCAA) qiegħda tfakkar lill-konsumaturi dwar pariri bażiċi ta’ sigurtà relatati ma’ prodotti li normalment jinxtraw f’dan l-istaġun tal-festi. L-MCCAA qalet li skont il-programm ta’ sorveljanza…

Aktar