Barranin
ARA: Ġlieda fuq ajruplan twassal għal inżul ta’ emerġenza fil-Portugall

Passiġġiera li qabdu jagħtu fuq ajruplan spiċċaw arrestati, bit-titjira minn Manchester lejn Tenerife li kellha tieqaf ħesrem.

Mhuwiex ċar għalfejn inqala’ l-argument, iżda dawk preżenti qalu li raġel kien beżaq f’wiċċ mara, u minn hemm numru ta’ rġiel ġew fl-idejn.

Filmat juri tnejn mill-irġiel jargumentaw u żewġ membri tal-ekwipaġġ jippruvaw jikkalmaw is-sitwazzjoni.

L-ajruplan kellu jinżel fil-Portugall, fejn ġew arrestati seba’ persuni. Fil-filmat wieħed minnhom jidher jitniżżel mal-art u jiġi mmanettjat mill-Pulizija.