Finali tal-MFA knock-out ilbieraħ bejn Qormi u Pietà, fit-taqsima ta’ taħt id-19-il sena, spiċċat bid-daqq f’iktar minn sens wieħed.
Waqt li l-banda kienet għaddejja ddoqq b’ċelebrazzjoni għar-rebħa ta’ Pietà 1-0, jidher li nqala’ diżgwit bejn żewġ plejers tat-timijiet opposti, li spiċċaw fl-idejn.
Kienu bosta dawk li ppruvaw jikkalmaw is-sitwazzjoni, fejn xi plejers baqgħu kalmi u ma rritaljawx, anki wara li dehru jaqilgħu d-daqqiet waqt li kienu qed jippruvaw iferrqu.
Oħrajn iżda dehru li daħlu għall-ġlied b’ruħhom u b’ġisimhom, u dik li kienet kwistjoni bejn żewġ plejers spiċċat infirxet fost uffiċjali tat-timijiet u l-ispettaturi.
Is-sitwazzjoni kkalmat meta l-plejers ta’ Pietà nġabru flimkien f’nofs il-grawnd u bdew jiċċelebraw. Finalment il-preżentazzjoni saret b’mod paċifiku fil-preżenza tal-Viċi President tal-MFA Alex Manfre.
Il-Coronavirus qed jolqot sew l-Amerka Ċentrali li saret l-epiċentru tal-pandemija. Fi Gwatemala, żewġ saċerdoti missjunarji Għawdxin qalu li fl-aħħar ġimgħat, il-faqar kompla jgħolli rasu b’saħanisitra familji qed itajru bandiera bajda…
Sidien ta’ ristoranti li fetħu fi tmiem il-ġimgħa wara aktar minn xahrejn magħluqa qalu lil TVM li minkejja li kien bidu kwiet, iħossuhom pożittivi għaliex il-klijenti qed juru sinjali ta’…
Għalkemm il-virus Covid 19 għadu mhux megħlub għalkollox u l-vaċċin kontrih jista’ jieħu bosta xhur oħra sakemm jiġi żviluppat u tibda l-produzzjoni tiegħu, bosta pajjiżi reġgħu bdew ibexxqu l-bieb tas-sistema…
Wara aktar minn xahrejn mċaħħda milli jaraw lill-qraba anzjani tagħhom, għadd kbir ta’ qraba bdew jingħataw l-opportunità li jaraw lil qrabathom minn wara l-perspex. Il-Kap Eżekuttiv ta’ San Vincenz de…