COVID-19
ARA: Grazzi lill-eroj ta’ pajjiżna

Fit-toroq tal-ibliet u l-irħula Maltin qed tinstema kelma waħda – ‘Grazzi’.

Apprezzament ta’ poplu wieħed maqgħud lejn it-tobba, l-infermiera, il-paramediċi, il-pulizija, is-suldati, il-membri tad-Dipartiment tat-Tindif u tant ħaddiema oħra li qed jagħtu s-sehem imprezzabbli tagħhom waqt il-pandemija tal-Covid-19.

Dan huwa l-qofol ta’ produzzjoni awdjo-viżiva li ppublika l-Gvern illejla bħala ringrazzjament lil hekk imsejjħa eroj ta’ pajjiżna. Fl-aħħar ġimgħat il-Gvern kien qed jitlob lin-nies biex jibgħatu messaġġi bil-vuċi jew filmati tagħhom lill-professjonisti li bħalissa qegħdin prattikament iqumu u jorqdu fuq il-post tax-xogħol tagħhom biex jagħtu servizz lin-nazzjon li qed jiffaċċja din l-isfida mondjali.

Il-Gvern irċieva mijiet kbar ta’ messaġġi ta’ ringrazzjament u kienu inklużi f’din il-produzzjoni billi ġew proġettati fuq binjiet differenti f’lokalitajiet differenti ta’ pajjiżna.

Simbolu tal-apprezzament wiesgħa li l-poplu kollu qed juri lejn is-sagrifiċċji u d-dedikazzjoni ta’ dawn il-ħaddiema fil-ġimgħat li għaddew u dawk li ġejjin.

Fost il-messaġġi tan-nies lejn il-ħaddiema kien hemm ‘Qed inżommukom fit-talb tagħna’, ‘Lanqas għandna kliem biex nirringrazzjawkom’ u ‘Inħobbukom’

Aħbarijiet Oħra
Solidarjetà

Sidien ta’ ħanut tal-kafè li joffri spalla għal dawk li jkunu għaddejjin minn mard serju u esperjenzi trawmatiċi issa sabu wkoll min joffri spalla lilhom. Il-ħanut Jacob’s Brew – Pay…

Temp

L-Uffiċċju Meteoroloġiku ħareġ twissija ta’ riħ qawwi. Ir-riħ mill-Majjistral it-Tramuntana, li iktar tard idur lejn il-Majjistral, ser ikun qawwi għal qawwi ħafna fuq il-Gżejjer Maltin. Din it-twissija tibqa’ fis-seħħ sas-siegħa ta’ għada…

Lokali

Il-Gvern Malti se jkompli jikkopera mal-kumplament tal-istati membri biex jkun hemm kordinament fir-rilaxx tal-miżuri, speċjalment dawk li għandhom x’ jaqsmu mal-fruntiera. F’laqgħa tal-Ministri responsabbli mill-Affarijiet Ewropej tal-istati membri fil-Mediterran, is-Segretarju…

COVID-19

Il-manifattur Ingliż tal-mediċini AstraZeneca rdoppja l-kapaċitajiet ta’ manifattura għal vaċċin potenzjali għal 2 biljun doża bid-distribuzzjoni mistennija li tibda fil-ħarifa. Bħalissa qed isiru l-provi kliniċi iżda s-sid tal-kumpanija Pascal Soriot…

Aktar