Festi
ARA: Iċċelebrata fis-Siġġiewi l-festa ta’ San Nikola, illum magħruf bħala Santa Klaws

Illum is-Siġġiwin qed jiċċelebraw il-festa ta’ San Nikola, fil-jum propju meta tiġi ċċelebrata din il-festa tal-qaddis patrun tas-Siġġiewi.

Dalgħodu fis-Siġġiewi mijiet ta’ nies ikkonkorrew bi ħġarhom għall-festa ta’ San Nikola.  Dan il-qaddis huwa meqjus bħala dak li llum jissejjaħ Santa Klaws.

San Nikola kien isqof ta’ Myra fil-Greċja, li wara mewtu l-għadam tiegħu ttieħdu Bari fejn inbniet Bażilika u hemm relikwa mirakoluża ta’ dan il-qaddis.

Maż-żmien nibtet devozzjoni kbira lejn San Nikola ta’ Bari, qaddis li huwa sinonimu mar-rigali li kien jagħti lill-fqar.

Dan il-ġest ta’ San Nikola iktar minn 1,600 sena ilu, aktarx wassal biex inħolqot il-figura li nafu llum ta’ Santa Klaws li jqassam ir-rigali fil-Milied.

Fis-Siġġiewi, kull sena fis-6 ta’ Diċembru tiġi ċċelebrata l-festa ta’ San Nikola tax-Xitwa, li ħafna drabi tkun preludju għaċ-ċelebrazzjonijiet tal-Milied.

Il-festa ta’ San Nikola li ssir fis-Sajf dejjem tiġi ċċelebrata fil-kalendarju ekkleżjastiku fl-aħħar Ħadd ta’ Ġunju.

Aħbarijiet Oħra
Lokali

Il-Prim Ministru Joseph Muscat wera tħassib dwar dak li ġara lir-residenti tal-blokka li ġġarrfet fi Gwardamangia u talab biex jingħata rapport dwar kif żvolġiet is-sitwazzjoni. Meta kien qed iwieġeb mistoqsijiet tal-ġurnalisti,…

Avjazzjoni

L-Air Malta se tibda topera servizz skedat ta’ darbtejn fil-ġimgħa kull nhar ta’ Tlieta u kull nhar ta’ Ġimgħa lejn il-gżira Balearika ta’ Ibiza, li hija magħrufa l-aktar għan-nightlife tagħha….

Unjoni Ewropea

Il-maġġoranza assoluta tal-Maltin iħossu li l-pajjiż ibbenefika mis-sħubija fl-Unjoni Ewropea. Stħarriġ tal-Ewrobarometru tar-Rebbiegħa li sar mill-Parlament Ewropew li sar bejn Frar u Marzu juri li 91% tal-Maltin wieġbu li Malta…

Saħħa

Espert kliniku mill-NHS Ingliża beda jara l-pazjenti bl-ADHD u jiddiskuti ma’ konsulenti mediċi lokali bil-għan li jagħti pariri lid-Dipartiment tas-Saħħa dwar mediċini tal-ADHD. Tliet ijiem ilu d-Deputat Prim Ministru u…

Aktar