Barranin
ARA: Iddisprat u mbikkem – jitkellem sid id-dar f’Casteldaccia fejn mietu 9 persuni

Antonino Pace, il-propjetarju tad-dar mikrija f’Casteldaccia, f’Palermo, fejn mietu 9 membri tal-familja ta’ Giuseppe Giordano tkellem wara t-traġedja li laqtet lil żewġ familji fiż-żona.

Il-maltemp qawwi li ħakem l-Italja kollha ftit tal-ġranet ilu ħasdet ħajjet 13-il persuna f’Sqallija, fosthom 9 membri tal-familja Giordano, li kienu qed jgħixu f’dar mikrija f’Casteldaccia viċin ix-xmara Milicia.

Antonino Pace f’delirju jirrakkonta kif id-disprament ta’ Giuseppe jġorrha huwa wkoll u li jixtieq jgħannqu.

Huwa qal li kieku kien jaf bil-periklu li d-dar kienet tinsab fiha, ma kien jikriha qatt.

F’konferenza mal-ġurnalisti, Pace qal li huwa kien saħansitra jgħix hemmhekk għal xi żmien u qal li għalkemm kellhom jitwaqqgħu d-djar fiż-żona minħabba li nbnew illegalment u wisq viċin ix-xmara, qatt ma ttieħdet azzjoni u kollox tħalla kif kien.

L-avukat ta’ Pace qal li l-klijent tiegħu ngħata biss twissijiet dwar l-illegalità tal-binja u ma ġie mgħarraf qatt dwar il-perikli li kienet tinsab fiha.  Qal ukoll li l-familja Pace ġġorr id-dulur ta’ Giuseppe Giordano u se tħalli f’idejn il-ġustizzja. Żied jgħid li kulħadd kien jaf bil-maltemp qawwi li kien se jolqot l-Italja.

Ara wkoll:

ARA: Jitlef familtu fit-traġedja u jistaqsi għala ħadd ma wissieh bil-periklu

Aħbarijiet Oħra
Barranin

Waqt li llum l-aħħar jum tal-kampanja elettorali f’Malta, fir-Renju Unit u l-Olanda l-votanti qed jivvutaw fl-ewwel jum minn erbat li matulhom se jsiru l-elezzjonijiet fi 28 pajjiż-membru biex jiġu eletti…

Annimali

F’Richmond l-Istati Uniti, mara ħalliet fit-testment tagħha li meta tmut il-kelba tagħha trid tindifen magħha. Il-każ tal-kelba Shih Tzu Emma qajjem polemika kbira tant li l-għaqdiet favur il-ħarsien tal-annimali ppruvaw…

Barranin

Il-Prim Ministru Indjan Narendra Modi għamel rebħa impressjonanti fl-elezzjoni ġenerali fl-Indja b’iktar minn 340 siġġu mirbuħ f’Parlament ta’ 543 siġġu. Il-Partit tal-Kungress immexxi minn Rahul Ghandi kiseb biss 87 siġġu….

Barranin

Fl-Italja, sindki ta’ bliet fantażma ħarġu bil-kunċett li jħajru barranin jixtru propjetà biex jerġgħu jagħtu l-ħajja lil-lokalità. Fi Franza, is-Sindku ta’ Montereau Jean Debouzy deċċieda li minħabba l-kriżi ta’ nuqqas…

Aktar