Toroq
ARA: Il-Gżirjani jgħerqu fid-drenaġġ ma’ kull ħalba xita

Il-Gżirjani li jgħixu fi Triq tas-Sliema lmentaw ma’ TVM li ma’ kull ħalba xita jispiċċaw mgħarrqa fi splużjoni ta’ drenaġġ.

Resident qal li din il-biċċa tax-xogħol tiġri ta’ spiss bit-triq tispiċċa miksija drenaġġ u ħmieġ.

Meta tkellem ma’ TVM, ir-resident qal li r-riħa tkun insopportabbli tant li r-residenti ma jazzardawx jiftħu t-twieqi. Huwa appella lill-awtoritajiet jindirizzaw il-problema għas-sigurtà u s-saħħa tal-Gżirjani u t-tfal li jattendu l-iskola fl-istess triq.

Minkejja li jsiru diversi rapporti bl-awtoritajiet ikkonċernati dejjem imorru fuq il-post biex jindirizzaw il-ħsara, l-istorja tibqa’ tirrepeti ruħha kull darba li jagħmel ftit maltemp.