Kurżitajiet
ARA: Il-karozza b’magna ta’ ajruplan se tinstaq f’Malta

L-għamla tagħha hi ta’ dragster, iżda l-magna hija ta’ ajruplan, kif jikkonferma l-ħoss hekk kif tistartja.

Nitrolord inbniet is-sena li għaddiet fl-Istati Uniti, u nhar il-Ġimgħa u s-Sibt li ġej fit-trakka tal-kwart ta’ mil f’Ħal Far se tagħti spettaklu lill-pubbliku, hekk kif se tinstaq għall-ewwel darba f’tentattiv li tikser rekord Ewopew, kif spjega lil TVM is-Segretarju tal-Malta Drag Racing Association, Reuben Micallef.

“Din il-karozza l-ewwel se tagħmel wirja ta’ nar kbir, bħal ma jagħmel jet ta’ ajruplan qabel jitlaq, imbagħad tipprova tagħmel ir-run tal-kwart mil li hu 1,320 pied – 402 metres tipprova tiksirhom f’inqas minn 5.3 sekondi,” qal Micallef.

Hekk qed jittama wkoll is-sid ta’ dan il-jet dragster, l-Inġinier Awstrijakk Alexander Pilshofer, li ddeċieda li jirreġistra u jżomm il-karozza f’Malta, għalkemm spjegalna kif fix-xhur li ġejjien se tkun qed tagħti wirjiet spettakolari lid-dilettanti tal-karozzi f’diversi pajjiżi oħrajn.

“We hope it’s one of the fastest cars in the world, and maybe we need half a year to better understand all technical aspects and break the 5 seconds in a quarter mile,” qal Pilshofer.

Il-Jetcar taħli mas-sittax-il gallun fjuwil tal-ajruplani jew terz ta’ tank kbir biex tinstaq tul ta’ erba’ mitt metru. Mhux kull sewwieq kapaċi jsuq karozzi bħal dawn, tant li sidha stieden lis-sewwieq t’esperjenza Martin Hill biex ikun hu li jsuqha għall-ewwel darba. Spjega li meta jsuq karozzi daqstant veloċi, jħoss emozzjonijiet differenti.

“It’s a bit like a rollercoaster until you get to the top of the hill, you start going down, and these just accelerate harder further down the track they go,” spjega Hill.

Il-karozza, li kapaċi tgħaddi Jet-Fighter, se tkun l-attrazzjoni ewlenija waqt tliet ijiem t’attivitajiet li l-MDRA se torganizza bejn il-Ġimgħa u l-Ħadd f’Ħal Far, biex jinġabru fondi għal Blue Light Foundation li waqqaf il-kuntistabbli Simon Schembri.

Aħbarijiet Oħra
Droga

L-Aġenziji li jaħdmu mal-vittmi tad-droga fosthom is-Sedqa u l-Caritas huma tal-fehma li l-użu rikreattiv tal-kannabis m’għandux ikun promoss għax ikattar il-kultura favur l-abbuż tad-droga. Din il-fehma intweriet waqt il-programm Dissett…

Partit Nazzjonalista

Il-President tal-Kunsill Ġenerali tal-Partit Nazzjonalista Kristy Debono qalet fi stqarrija li sabet li 84 mill-200 firma fil-petizzjoni li titlob biex jitlaqqa’ l-Kunsill Ġenerali biex jiddiskuti l-ġejjieni tal-Kap tal-Partit Nazzjonalista huma…

Lokali

Ta’ tnax-il sena sofriet diżabilità minħabba mard u wara ħafna snin ta’ żwieġ kellha tifel bil-kundizzjoni down syndrome. Minkejja l-isfidi, Lorraine Pellicano tgħid li Thomas berkilha ħajjitha u ħerqana li…

Lokali

Meqjusa fost l-ewwel tobba f’Malta li bdiet taħdem bla heda mal-vittmi tad-droga, ħidmet it-tabiba Maria Sciberras tfakkret f’konferenza f’għeluq il-25 sena mit-twaqqif tal-Aġenzija Sedqa u fil-jum internazzjonali kontra l-abbuż u…

Aktar