COVID-19
ARA: Il-Kummissjoni Ewropea tirringrazzja lil Charmaine Gauci għad-deċiżjoni tagħha

Il-Kummissjoni Ewropea rringrazzjat lis-Supretendent tas-Saħħa ta’ Malta, Charmaine Gauci, wara li din ingħaqdet mat-tim ta’ rispons globali għall-coronavirus.

It-tim għar-rispons globali twaqqaf mill-President tal-Kummissjoni Ewropea, Ursula von der Leyen, biex l-Ewropa tirrispondi għall-pandemija b’politika koordinata u biex ħadd ma jitħalla lura.

Bħala parti minn dan ir-rispons, jumejn ilu l-Kummissjoni allokat €50 miljun f’għajnuna umanitarja.

Fuq il-midja soċjali l-Kummissjoni esprimiet gratitudni għall-appoġġ tal-Professur Gauci, li min-naħa tagħha spjegat li hemm pajjiżi li diġà kkontrollaw is-sitwazzjoni tal-Covid-19, u oħrajn li għadhom fil-proċess.

Qalet li għalhekk hemm bżonn investiment u kollaborazzjoni, kemm biex jiġu żviluppati miżuri ġodda ta’ dijanjosi, kif ukoll trattament.

Żiedet li nistgħu noħorġu minn din is-sitwazzjoni meta jkun żviluppat vaċċin li jaħdem u li jingħata lill-popolazzjonijiet kollha.