COVID-19
ARA: Il-monti ta’ Marsaxlokk kwiet – reġa’ rama għall-ewwel darba llum

Filmat miġbud mill-ajru dalgħodu juri xenarju pjuttost kwiet max-xatt ta’ Marsaxlokk, fejn rama l-monti għall-ewwel darba wara nuqqas ta’ xahrejn.

Id-dehra tal-lum tikkuntrasta bil-kbir max-xeni li wieħed kien jara f’dan il-post kull nhar ta’ Ħadd filgħodu qabel bdiet l-imxija tal-Covid-19.

Eluf ta’ persuni kull nhar ta’ Ħadd kienu jbakkru biex iżuru l-monti ta’ Marsaxlokk, li jarma tul ix-xatt kollu fuq iż-żewġ naħat. Il-popolarità ta’ dan il-monti kienet toħloq rassa kbira bejn il-bankarelli tul in-nofstanhar ta’ filgħodu.

Jumejn ilu l-Kunsill Lokali esprima tħassib dwar is-sitwazzjoni li tista’ tiżviluppa, u wissa li se jieħu passi jekk il-miżuri ta’ mitigazzjoni ma jiġux osservati.

Jidher iżda li ħafna nies għażlu li ma jżurux il-monti llum, filwaqt li għadd ta’ bejjiegħa wkoll iddeċidew li ma jarmawx, kif jixhed dan il-filmat miġbud mill-Kunsill Lokali permezz ta’ drone:

Ara wkoll:

Il-Kunsill ta’ Marsaxlokk iwissi li se jieħu passi jekk tal-monti u tal-ħwienet ma josservawx il-miżuri