Barranin
ARA: Il-mument li t-tfal ħarbu mwerwra mix-xarabank fl-Italja

Dak li seta’ jkun massakru kbir f’Milan, meta xufier ipprova jqabbad xarabank mimlija tfal, ġie evitat, anki bis-saħħa ta’ tifel li nħall mill-ħbula li kien marbut bihom u uża l-mobile ta’ sieħbu biex iċempel għall-għajnuna.

Ix-xufier, raġel mis-Senegal, allegatament qal li t-tliet uliedu kienu mietu fuq il-baħar, u li hu ried joqtol lill-istudenti abbord ix-xarabank bi tpattija għall-politika tal-Gvern Taljan, li jrid iħalli iktar immigranti jmutu fil-Mediterran.

Filmat li ttieħed minn mobile juri t-tfal ħerġin jiġru mix-xarabank, li dak il-ħin kienet ġiet imblukkata minn karozza tal-pulizija, li kissru wkoll il-ħġieġ tax-xarabank biex joħorġu t-tfal. Iżda x-xufier kompla jipprova jsuq, u rnexxielu jimbotta l-karozza tal-Pulizija biex saq biċċa triq oħra bit-tfal li kien baqa’ abbord, u li wkoll niżlu jiġru mal-ewwel ċans.

Student ta’ 12-il sena irrakkonta kif ix-xufier kien rabathom u ħadilhom il-mobiles, u li bdew jarawh iwaddab il-fjuwil. Qal li hu rnexxielu jinħall u jċempel għall-għajnuna b’mobile li kien waqa’ lix-xufier. Dan kien ikkonfermat mill-pulizija, li qalu li marru jwaqqfu x-xarabank wara li rċevew telefonata mingħand il-ġenituri ta’ wieħed mit-tfal abbord, li kien qalilhom x’qed jiġri.

Ara wkoll:

Fl-Italja: Qabbad xarabank mimlija tfal bi protesta għall-immigranti

Aħbarijiet Oħra
Barranin

Tħabbret il-mewt tas-surmast Taljan Ennio Morricone. Il-kompożitur ta’ fama internazzjonali u li ħalla isem fil-mużika b’mod partikolari dik marbuta mal-films miet fl-età ta’ 91 sena. Huwa miet fi sptar f’Ruma…

Barranin

Persuni li kienu qed isuqu minn ġo triq li taqsam foresta f’Bacau, fir-Rumanija, lemħu ors fil-ġenb tat-triq. Mara li kienet passiġġiera f’waħda mill-karozzi ddeċidiet li tinżel mill-vettura u tersaq qrib…

COVID-19

L-awtoritajiet Awstraljani fit-tieni l-aktar stat popolat, Victoria, qed jagħmlu minn kollox sabiex irażżnu l-imxija tal-coronavirus. L-istat premier Daniel Andrews ħabbar li mat-3,000 familja f’akkomodazzjoni tal-Gvern mifruxa f’disa’ torrijiet għoljin, se…

Aktar