Kurżitajiet
Ara: Il-pads sanitarji jbiddlulu ħajtu

Arunachalam Muruganantham għamel isem wara li rnexxielu joħloq pads sanitarji għal prezz raġjonevoli fl-Indja.

Muruganantham xtaq jagħmel il-ħajja tan-nisa Indjani aktar faċli wara li ntebaħ li martu kienet tuża ċraret matul il-mestruwazzjoni.

Muruganantham kien ġej minn familja pjuttost fqira u waqaf skola ta’ 14 biex jikseb is-sengħa tal-welding. Iżda mid-dinja tal-welding, Muruganantham spiċċa biex ħoloq pads sanitarji li anke l-aktar nisa foqra fil-pajjiż setgħu jippermettu.

Fl-Indja, kienu biss 12% tan-nisa li jaffordjaw jixtru prodotti sanitarji. Dawk li huma inqas ixxurtjati kienu jispiċċaw jużaw minflok ċraret, gazzetti jew ċana. Il-ministeru għas-saħħa tal-pajjiż qal li 70% tan-nisa qegħdin fir-riskju ta’ infezzjonijiet serji minħabba n-nuqqas ta’ iġenje.

Tant marret tajjeb l-inizjattiva ta’ Muruganantham li saħansitra se joħroġ film Bollywood dwar l-istorja tiegħu. L-iskop wara l-film ‘Pad Man’ huwa biex tingħeleb it-taboos bħalma hija dik dwar il-mestruwazzjoni biex jonqsu l-impatti negattivi li għandha t-taboo fuq is-saħħa mentali, l-edukazzjoni u l-opportunitajiet fis-soċjetà speċjalment għan-nisa.

Iżda l-istorja tiegħu ma kinetx kollha ward u żgħar. Muruganantham, li tant kien iddeterminat li joħloq prodotti sanitarji minn prodotti lokali, ħoloq kontroversji kbar. F’villaġġ mimli superstizzjonijiet, spiċċa iżolat. Il-mara u ommu telquh u n-nies tal-villaġġ ħasbu li kien possedut mid-dimonji.

Iżda, Muruganantham ra xaqq ta’ dawl fl-2009 meta rebaħ premju li ssapportja l-inizjattiva tiegħu. Bis-saħħa tal-premju, inxtraw makkinarji tal-pads sanitarji f’komunitajiet rurali li mhux biss provdew bosta opportunitajiet ta’ xogħol lin-nisa, iżda qajjem kuxjenza dwar is-saħħa u l-iġenje. Illum il-ġurnata aktar minn 600 magna ġew distribwiti madwar il-pajjiż.

Muruganantham qal li, filwaqt li jinsab kuntent li għamel differenza fil-ħajja tan-nisa Indjani, huwa jixtieq li l-film joħloq djalogu u aktar kuxjenza.

Muruganantham saħansitra ġie nnominat wieħed mill-100 persuna l-aktar influwenti fid-dinja minn Time magazine fl-2014.

Aħbarijiet Oħra
Barranin, Kurżitajiet

Id-Dukessa ta’ Cambridge Kate Middleton normalment dejjem tadatta x’tilbes skont fejn tmur.  Iżda l-libsa li kellha fl-avveniment tal-bieraħ meta attendiet għall-unuri tal-aħjar films u programmi televiżivi fl-Ingilterra, magħrufa aħjar bħala…

Kurżitajiet

Ix-xjentisti qed jagħmlu passi ’l quddiem fil-qasam tat-testijiet bijoloġiċi biex wieħed jintebaħ jekk uliedu jbatux mill-awtiżmu. Dan permezz ta’ testijiet tad-demm u tal-urina. L-istudju tagħhom eżamina tfal bi u mingħajr…

Kurżitajiet

Qassis fi Spanja ma ndunax li kien qiegħed iżewweġ 2 tfajliet. Iż-żwieġ sar fl-1901 fil-Knisja San Jorge, f’A Coruña fi Spanja. Iż-żwieġ bejn Elisa u Marcela huwa l-unika żwieġ bejn…

Kurżitajiet

L-ikel tal-klieb Gravy Train Dog Food tal-kumpanija J.M. Smucker ġew irtirati kollha mis-suq wara li nstabet fih mediċina li tintuża biex traqqad lill-klieb. L-FDA ħarġet stqarrija lbieraħ fejn wissiet lis-sidien…

Aktar