Lokali
ARA: Il-PM u l-Ispeaker jitkellmu dwar il-kaos tal-bieraħ quddiem il-Parlament

Il-Prim Ministru Joseph Muscat esprima l-fehma li l-kritika għandha dejjem issir bil-kalma u mingħajr provokazzjonijiet.

Huwa kien qed jagħmel referenza għal dak li seħħ ilbieraħ quddiem il-Parlament, fejn żewġ pulizija weġġgħu u karozza ministerjali ġiet ivvandalizzata.

Il-Prim Ministru dalgħodu qal li dawn kienu l-azzjonijiet ta’ ftit nies, li ġabu l-għadab anki ta’ dawk li jaqblu magħhom fuq ir-raġunijiet li għalihom kienu qed jipprotestaw.

Dwar il-Ministru Konrad Mizzi u Keith Schembri, il-Prim Ministru qal li l-proċessi għadhom għaddejjin, u li se jistenna l-eżitu tal-proċessi sakemm tittieħed deċiżjoni.

Isma’ hawn il-kummenti li Dr Muscat ta lill-midja waqt attività f’Għawdex li matulha ġie inawgurat l-iskola medika ta’ Barts:

Intant fi stqarrija, l-Ispeaker tal-Kamra tar-Rappreżentanti, Anġlu Farrugia innota b’dispjaċir l-inċidenti “xejn paċifiċi li seħħew lbieraħ ħdejn il-bini tal-Parlament”, fejn membri tal-Kamra ġew imfixkla u insulentati waqt li kienu ħerġin mill-Parlament.

Żied jgħid li għandhom jittieħdu passi fil-konfront ta’ dawk il-persuni li eċċedew il-limitu u kisru l-liġi b’mod manifest, inkluż bi vjolenza u danni volontarji fil-konfront tar-rappreżentanti tal-poplu.

Saħaq “li dan l-aġir xejn responsabbli jista’ jiġi meqjus ukoll bħala li jikkostitwixxi reat kontra l-Ordinanza dwar il-Privileġġi u s-Setgħat tal-Kamra tad-Deputati.

Ara wkoll:

AĠĠORNAT: Għagħa quddiem il-Parlament, ħsarat fil-karozza tal-Ministru Bonnici

Aħbarijiet Oħra
Stejjer Umani

Għandu 67 sena, u flimkien ma’ missieru sa minn ċkunitu trabba b’passjoni kbira għal trakkijiet militari Amerikani u Ingliżi, u inġenji oħra fosthom magni tal-ajruplani. Michael Cachia jqatta’ ħinu jibni…

COVID-19

Il-Kamra tan-Negozji Żgħar u Medji qalet li l-aġenti u l-operaturi tal-ivvjaġar qegħdin jiffaċjaw diffikultatjiet biex joħorġu r-rifużjonijiet minħabba li l-kumpaniji turistiċi mhumiex qegħdin jibagħtulhom l-flus lura tal-vjaġġi u pakketti tal-ivjaġġar…

Immigrazzjoni

Għaxar t’ijiem wara s-sejħa tal-espressjoni għal bastiment biex fuqhom ikunu iżolati immigranti irregolari, Television Malta jinsab infurmat li l-Gvern irċieva mal-15 il-offerta. Is-sejħa ngħalqet f’nofsinhar tat-Tnejn li għadda u issa…

COVID-19

Bl-għan li jkun ta’ spalla għal negozji fid-dawl tar-realtajiet ekonomiċi tal-pandemija l-Bank Malti ta’ Żvilupp introduċa inizjattiva biex negozji żgħar li jitolbu self lill-banek ma jkollhomx bżonn jipprovdu garanziji personali…

Aktar