Politika
ARA: Il-Prim Ministru jindirizza l-ewwel laqgħa tal-Kabinett f’Kastilja

Miżuri ghat-tisħiħ tal-governanza kienu fl-aġenda tal-ewwel laqgħa tal-kabinett tal-Prim Ministru Robert Abela f’Kastilja, li kienet segwita minn laqgħa tal-grupp Parlamentari Laburista. Fiha l-grupp Parlamentari approva n-nomina ta’ Glenn Bedingfield bħala l-whip tal-Gvern flok Byron Camilleri, li issa nħatar Ministru. Fi tmiem il-laqgħa tal-grupp Parlamentari, żewġ eks membri tal-kabinett stqarrew ma’ TVM li xorta ser jibqgħu attivi fil-ħidma tal-gvern u fil-politika.

L-għada li għażel il-kabinett il-ġdid, il-Prim Ministru Robert Abela kellu l-ewwel laqgħa mal-Ministri u s-Segretarji Parlamentari, li matulha ġew diskussi l-prijoritajiet tal-Gvern għall-kumplament tal-leġiżlatura. Fi tmiem l-ewwel laqgħa tal-kabinett, Dr Abela qal li t-tim ġdid beda l-ħidma biex iwettaq l-għanijiet ta’ dal-gvern, li qal bdew jinħassu anke barra minn Malta.

“L-ewwel nett li ndaħħlu kemm jista’ jkun malajar l-istabbilità. Nemmen li l-ewwel sinjali li tajna, anke bil-ħatriet ta’ kabinett ġdid u l-kompożizzjoni tad-dekasteri u l-indivdiwi li ser ikunu qed jikkomponu l-kabinett il-ġdid, diġà bagħtu messaġġ tajjeb, anke barra minn xtutna, għax anke rajt rappurtaġġ ta’ midja wkoll barranija li bagħat dak il-messaġġ tajjeb. Mhux biżżejjed, fadal x’nagħmlu – ser nibqgħu għaddejjin b’ħafna ħidma, però rajt kuraġġ u entużjamu fil-kabinett, li jagħmluli kuraġġ biex nibqgħu għaddejjin bil-ħidma tagħna,” qal il-Prim Ministru.

Il-laqgħa tal-kabinett, li bdiet fl-għaxra ta’ filgħodu, kienet segwita b’laqgħa mal-grupp parlamentari Laburista. Il-Grupp Parlamentari Laburista approva n-nomina tal-Prim Ministru biex Glen Bedingfield ikun il-Whip tal-Gvern meta l-Parlament jerġa’ jiltaqa’ nhar it-Tnejn.

“Ser tkun esperjenza ġdida li dieħel għaliha bl-istess impenn, ħeġġa u determinazzjoni – mhux faċli -il-whips preċedenti kienu whips tajbin – nispera li nkun għall-altezza tagħhom,” qal is-Sur Bedingfield.

Anthony Agius Decelis u Joe Mizzi, żewġ deputati li ma ġewx maħtura fil-kabinett il-ġdid, kienu preżenti għal-laqgħa tal-grupp parlamentari. Id-deputat Agius Decelis, li kien Segreterarju Parlamentari għall-Persuni b’Diżabilità u l-Anzjanità Attiva, qal li ser jibqa’ involut fil-ħidma tal-Gvern.

“Il-Prim Ministru għandu diversi proġetti li jixtieqni nagħti l-input tiegħek hemmhekk, u qiegħed spalla ma’ spalla mal-Prim Ministru biex inwettqu l-manifest elettorali u nagħmlu diversi proġetti oħrajn,” qal Anthony Agius Decelis.

Id-deputat Joe Mizzi, li kien Ministru għall-Enerġija u l-Immaniġġjar tal-Ilma, qal li joqgħod għad-deċiżjoni tal-Prim Ministru u ser ikompli jirrappreżanta lill-poplu bl-aħjar mod fil-Parlament. “Bħala membru parlamentari ser nibqa’ nagħmel id-dover tiegħi lejn il-Kostituzzjoni u lejn pajjiżi u beħsiebni anke għall-elezzjoni li ġejja wkoll, sakemm inkun għadni b’saħħti, nerġa’ nagħti l-kontribut tiegħi ukoll.”

Qabel bdiet il-laqgħa tal-kabinett, studenti mill-iskola Primarja ta’ San Bastjan, f’Ħal Qormi, iltaqgħu mal-Prim Ministru Abela u stedinhom biex jidħlu miegħu biex jispjegalhom il-ħidma tiegħu u tal-kabinett.

Ara x’kellhom xi jgħidu t-tfal dwar din il-laqgħa speċjali:

Aħbarijiet Oħra
COVID-19

Il-Pulizija għaddejja bi tfittxija għal persuna li suppost tinsab rikoverata fl-Isptar Boffa sabiex tingħata l-kura wara li kienet pożittiva għall-Coronavirus. Waqt konferenza tal-aħbarijiet is-Supretendent tas-Saħħa Pubblika, Charmaine Gauci kkonfermat li…

COVID-19

Is-Supertendent għas-Saħħa Pubblika, Prof Charmaine Gauci, qalet li l-kampanji ta’ tagħrif dwar il-Covid-19 qed isiru b’diversi lingwi biex jifimhom kulħadd. Prof Gauci kienet qed twieġeb il-mistoqsijiet tal-ġurnalisti fir-rigward tal-immigranti li…

COVID-19

Is-Supertendent tas-Saħħa Pubblika, Charmaine Gauci, ġiet mistoqsija dwar il-każ ta’ tigra fi New York li nstabet li għandha l-Covid-19. Prof Gauci spjegat li s’issa m hemm l-ebda evidenza li turi li…

COVID-19

Illum tħabbar 14-il każ ġdid ta’ Covid-19 f’Malta, biex issa n-numru totali ta’ persuni ttestjati pożittivi għall-virus f’Malta tela’ għal 241. Is-Supertendent tas-Saħħa Pubblika, il-Professur Charmaine Gauci, qalet li l-każijiet…

Aktar