Annimali
ARA: Il-qtates salvati mid-dar ta’ Janet Harvey – il-Pulizija jgħidu li “kien każ uniku”

Għas-Supretendent Mario Haber is-sejba ta’ kelb mejjet u erbat iqtates ħajjin fid-dar ta’ mara mejta f’San Pawl il-Baħar “kien każ uniku”.

Is-Supretendent Haber tkellem ma’ Moira Delia dwar x’sabu l-Pulizija meta daħlu fid-dar fejn sabu lil Janet Harvey mejta fis-sodda tagħha, mdawra b’bosta annimali domestiċi.  Qal li l-ambjent li kienu fih l-annimali ma kienx adegwat u għalhekk kellhom jitneħħew minn ġod-dar.

L-Ispettur Clayton Camilleri qal lil TVM li l-Pulizija jissalvagwardjaw l-interess tal-annimali wkoll meta jkollhom każi ta’ din ix-xorta u għalhekk irrikorrew għall-għajnuna ta’ Moira Delia biex jiġu salvati u jitneħħew mill-post li fih għaddejja inkjesta maġisterjali.

Ara x’qalu lil Moira Delia s-Supretendent Haber u l-Ispettur Camilleri dwar il-każ.

Harvey instabet jumejn ilu u possibilment kienet ilha mejta 3 xhur.  Żewġha qed jinżamm arrestat u qed jgħin fl-investigazzjonijiet tal-Pulizija.

Ara sinteżi ta’ dak li ġara dalgħodu waqt l-operazzjoni ta’ salvataġġ f’San Pawl il-Baħar.

L-operazzjoni ta’ salvataġġ tal-qtates u s-sejba tal-kelb mejjet tistgħu ssegwuha f’iktar dettall fil-programm Animal Diaries li jixxandar l-Erbgħa fuq TVM fis-6.30pm.

Ara wkoll:

AĠĠORNAT: Il-kelb tal-anzjana Ingliża aktarx li miet bi swied ta’ qalb

Aħbarijiet Oħra
Elezzjoni

Il-Prim Ministru u l-Mexxej tal-Partit Laburista, Joseph Muscat qal li hu l-iktar prim ministru li reħa poteri minn idejh. Dr Muscat qal li l-prim ministri kollha ta’ qablu kellhom aktar…

Politika

L-aħħar dwell politiku bejn iż-żewġ mexxejja politiċi ewlenin f’dibattitu televiżiv kien mill-aktar ċivili bil-Prim Ministru Joseph Muscat u l-Kap tal-Oppożizzjoni Adrian Delia jesponu l-argumenti tagħhom li jirribattu b’korteżija l-argumenti ta’…

Elezzjoni

Il-Kap tal-Partit Nazzjonalista Adrian Delia qal li fi ftit snin, il-Gvern irnexxielu jkasbar isem Malta li dejjem gawdiet reputazzjoni tajba taħt amministrazzjonijiet Nazzjonalisti. F’attività politika fil-Mosta, Dr Delia qal li…

Aktar