Stejjer Umani
Ara: Ilha 3 snin tgħix b’qalb maqsuma mingħajr Kevin

Tliet snin ilu, Rita Vella Borg ħasset li qalbha nqasmet min-nofs għal dejjem meta tilfet lil żewġha Kevin fl-età ta’ 38 sena. Rita u Kevin kienu fost il-ftit koppji b’diżabilità li għexu ħajja indipendenti, u dan minkejja li t-tnejn bi sfidi kbar fil-mobilità tagħhom. Minkejja li kien raġel kwiet ħafna, Kevin ispira lil ħafna persuni oħra b’diżabilità anki b’ħidma fil-grupp Muscular Dystrophy .

Kull fejn kienu jkunu Rita u Kevin Vella kienu jispiraw lin-nies. Kienu ilhom miżżewwġin għaxar snin u minkejja diżabilità severa tagħhom, bl-għajnuna ta’ carer, għexu ħajja indipendenti. Kienu jmorru għax-xogħol u fil-ħin liberu ma kienu jħallu xejn iwaqqafhom milli jgawdu kemm jistgħu l-ħajja, anki b’vaganzi barra minn Malta.

Kevin miet tliet snin ilu wara li xeraq u spiċċa l-ITU u b’xorti ħażina tilef ħajtu, bil-konsegwenza li Rita spiċċat waħidha. Il-ħajja għal Rita li tgħix waħdiha, kienet iebsa ħafna, imma temmen li Kevin qiegħed magħha fl-ispirtu.

Kevin kellu għal qalbu t-tim tal-Juventus, u fid-dar kellu ħafna affarijiet li jfakkruh f’dan it-tim. Fid-dar tal-koppja kellhom għasfur bl-isem ta’ Wetta li kienet għal qalb ħafna il-koppja Vella. Illum fid-dar daħlet kelba, li tagħti ħafna wens lil Rita.

Fid-dar tal-Providenza biex jitfakkar Kevin ttella’ spettaklu, hekk kif Rita temmen li trid tibqa’ tfaħħar u tferraħ kull meta issemmi isem żewġha. Minkejja li jkun hemm ħafna drabi meta tibki lil Kevin fis-skiet, Rita titfa’ tbissima u pożittività kull fejn tkun…bil-parir tagħha għal ħajja iktar ferħana.

Aħbarijiet Oħra
Kronaka

Żewġ xufiera ta’ coaches dalgħodu rrikorrew għall-kura f’ċentru tas-saħħa wara ħabta fl-ajruport internazzjonali ta’ Malta. L-inċident seħħ għall-ħabta tas-6.00am bejn coach tal-Aviaserv u coach tal-AirMalta, li ma kinux qed iġorru…

Xogħol

Il-Ministru Edward Zammit Lewis, filwaqt li nieda l-Premju Nazzjonali Ħaddiem tas-Sena, qal li l-ekonomija tistrieħ fuq il-ħaddiem, u li dan il-premju jirrikonoxxi l-bżulija. Iċ-Chairperson tal-kumitat organizzattiv, Angela Agius, spjegat li…

Kultura

Waqt konferenza tal-aħbarijiet tħabbar il-kunċert innovattiv bis-sehem tal-mużiċisti tal-banda, Ħuġġieġa tal-Banda 12th May b’għajnuna ta’ fondi mill-Kunsill Malti għall-Arti. Il-banda 12th May ta’ Ħaż Żebbuġ bħalissa qed tipprepara għall-proġett Ħuġġieġa,…

Sigurtà

Il-kumpanija ARMS iċċarat li l-ħaddiema tagħha li jintbgħatu jaqraw il-meters tad-dawl u l-ilma jridu jkunu lebsin l-uniformi kif tidher fir-ritratt. TVM infurmat li fl-aħħar ġimgħat xi residenti esprimew tħassib dwar…

Aktar