Lokali
Ara: Ilha 9 snin priġuniera f’darha stess minħabba mard

Mara ta’ 58 sena qaltilna li ilha priġuniera ġo darha għal dawn l-aħħar 9 snin għax minħabba mard ma tiflaħx tinżel żewġ sulari taraġ. Il-mara, Rita Gatt hija armla b’erbat’ itfal, u qalet li minħabba t-taraġ tiddependi mill-għajnuna ta’ ħaddiehor sakemm tintlaqa’ t-talba tagħha biex tibdel l-appartament tal-gvern ma’ wieħed fil-pjan terran.

Rita Gatt li toqgħod f’appartament tal-Gvern f’Santa Luċija, tgħid li ilha disa’ snin msakkra ġo darha stess.

“Imkien imkien ma mmur, ġieli nagħmel xhur hawn maqfula, anqas noħroġ nixtri. Saħti ma ttinix ninżel it-taraġ, ma ttinix”.

Rita qalet li l-problema f’saħħitha bdiet minn problemi serji f’saqajha kawża ta’ trombosi, u problemi f’dahra. Sentejn ilu Rita, sofriet ukoll minn kanċer.

Imbikkma Rita qalet li torqod biss bil-magna tan-nifs, u ma tiflaħx tinżel taraġ. Qalet li l-unika darba li toħroġ id-dar huwa meta ta’ bilfors ikollha tmur għal viżti fl-isptar.

Rita romlot tmintax-il sena meta żewġha miet ħabta u sabta meta kellu biss 43 sena. Rita qalet li tistrieħ fuq l-erba’ wliedha li wara x-xogħol jagħmlulha x-xiri u l-qadjiet għax hi bilkemm tiflaħ tiċċaqlaq.

Rita stqarret li “jiena kull ma nixtieq, post isfel, dik ix-xewqa qabel immut.”

Qalet li disa’ snin ilu applikat mal-Awtorità tad-Djar biex tpartat l-appartament tagħha u ieħor fis-sular t’isfel. Rita qalet li xi drabi tħossha qed tgħix għalxejn b’sigħat twal fl-istess kamra fuq is-sodda, imma tibqa’ tittama li ssib xi ħadd jisma’ t-talba tagħha.

Aħbarijiet Oħra
Lokali

Mal-faċċata ta’ waħda mill-binjiet tal-Isptar Mater Dei, dalgħodu niżlu għadd ta’ super eroj. Dawn kienu membri tal-grupp tal-Iscouts tal-Mosta f’inizjattiva sorpriża għat-tfal li fil-btajjel tal-Għid jinsabu rikoverati l-isptar. Spiderman, Superman,…

Enerġija

Fl-aħħar sebà snin tqassmu kważi €50 miljun minn fondi Ewropej, biex familji investew f’panelli fotovoltajċi. F’diversi skemi li saru, ġew stallati kważi 20,000 sistema ta’ pannelli. Bejniethom, is-sena li għaddiet…

Politika

Il-mexxej tal-Partit Demokratiku, Dr. Godfrey Farrugia, iddeċieda li joħroġ għall-elezzjoni tal-Parlament Ewropew. Meta ħabbar it-tliet kandidati tiegħu, il-PD kien indika li dawn in-nomini kienu finali, u li ma kinux se…

Kronaka

Qed issir tfittxija għal Mary Muscat li ġiet irrappurtata nieqsa fit-18 t’April 2019 għall-ħabta tat-15:00. Hija dehret l-aħħar nhar is-17 t’April 2019 għall-ħabta tal-23:35. Mary Muscat tbati bid-Dimenzja. Kull min…

Aktar