Barranin
ARA: Imbuttata minn pont m’għola 30 pied u ssofri minn ġrieħi fil-kustilji u l-pulmun

Filmat xokkanti ta’ tfajla ta’ 16-il sena tiġi mbuttata minn fuq pont tax-xmara East Fork Lewis qanqal reazzjoni mal-erbat irjieħat tad-dinja.

Il-filmat juri lit-tifla tiġi mbuttata minn persuna li sa issa għadha mhux identifikata, iżda jingħad li l-persuna hija ħabib/a tat-tfajla. Hija ġiet imbuttata għoli ta’ 30 pied f’Washington.

Mad-daqqa mal-ilma Jordon Holgerson kissret erba’ kustilji u ġarbet ġrieħi fil-pulmun.

F’kummenti li tat it-tfajla qalet li setgħet mietet. Spjegat li meta kienet fl-arja provat timbotta lilha infisha ’l quddiem biex tkun dritta meta tinżel fl-ilma. Madankollu qalet li ma rnexxilhiex. Kompliet tgħid li waqt li kienet nieżla hija ħassha ħażin.

Jordon kompliet tgħid li meta messet mal-ilma la setgħet tieħu nifs u anqas tgħum. Kien grazzi għal ħabib u xi stranġiera li għenuha biex titla’ mill-ilma.

 

Aħbarijiet Oħra
Barranin

Dan hu l-mument fejn it-tarbija tat-twelid li ngħatat l-isem ta’ India nstabet f’basket tal-plastik f’Georgia l-Istati Uniti. Kienet il-bikja rqiqa tagħha li wasslet biex residenti fl-inħawi fejn intrema l-basket joħorġu…

Barranin

San Francisco sar l-ewwel pajjiż fl-Istati Uniti li pprojbixxa l-bejgħ tal-e-cigarettes. Dan sakemm ikun ċar x’effett għandhom fuq is-saħħa. Nhar it-Tlieta li għadda ġie vvotat biex ikun illegali li bejjiegħa…

Teknoloġija

Għall-ewwel darba, il-kumpanija tal-Facebook qablet li tagħti informazzjoni ta’ utenti Franċiżi li huma suspettati li jiktbu kliem ta’ mibegħda lill-Qorti meta tkun mitluba. Sal-lum il-ġurnata, Facebook ikoopera mal-Qrati Franċiżi fuq…

Barranin

It-taħditiet dwar il-kummerċ li se jsiru bejn il-President Amerikan Donald Trump u l-President Ċiniż Xi Jinping mistennija jiddominaw is-summit tal-G20 f’Osaka l-Ġappun meta ż-żewġ mexxejja se jiltaqgħu fl-aħħar jum tas-summit…

Aktar