Kronaka
ARA: Imlew il-ħawsla u telqu jiġru bla ma ħallsu

Tliet ġuvintur li lbieraħ filgħaxija kielu minn restorant f’Marsaskala ħarbu jiġru mingħajr ma ħallsu. Il-ġuvintur, li x’aktarx huma barranin, kienu qed jieklu ma’ mejda fuq barra f’restorant li jinsab viċin il-bandli.

Fuq il-filmat mill-kamera tas-sigurtà, il-ġuvintur jidhru jiġbru l-mobile u l-affarijiet personali tagħhom minn fuq il-mejda u jħarsu madwarhom. Fil-mument li l-waiters kollha jillargaw, iqumu f’daqqa u jlebbtu ‘l hemm.

Persuni li dak il-ħin kienu fl-istess triq qalu li huma wkoll rawhom jiġru ‘l bogħod mill-ħanut, u reġgħu rawhom jirritornaw fl-istess żona madwar siegħa wara.

Is-sidien tal-ħanut ippubblikaw ir-ritratti tal-ġuvintur fuq il-midja soċjali bit-tama li xi ħadd jagħrafhom, u staqsew jekk jistgħux ikunu t-tliet Serbi li attwalment qed jiġu mfittxija mill-Pulizija.

TVM qed jippubblika l-filmat sfukat peress li l-ġuvintur jidhru taħt l-età, iżda qed jgħaddi l-filmat oriġinali lill-Pulizija.

Aħbarijiet Oħra
Politika

Id-19 membru tal-grupp parlamentari tal-PN fi stqarrija qalu li jixtiequ jwasslu messaġġ ta’ kuraġġ lil dawk li dejjem taw appoġġ lill-Partit Nazzjonalista u lill-Maltin u l-Għawdxin ta’ rieda tajba. Fl-istqarrija…

Kronaka

Matul il-lejl li għadda, il-Pulizija flimkien ma’ membri tal-Forzi Armati ta’ Malti wettqu diversi kontrolli tat-traffiku madwar Malta fejn irriżultaw f’sejba ta’ droga kif ukoll ġew osservati ksur ta’ regolamenti tat-traffiku….

COVID-19

Il-Ministeru għas-Saħħa ħabbar li fl-aħħar 24 siegħa ma ħareġ l-ebda każ ġdid ta’ coronavirus f’Malta bil-każijiet attivi issa jinżlu għal 5 hekk kif fiequ 2 persuni oħra. B’kollox f’Malta u…

Aktar