Ambjent
ARA: Invażjoni ta’ ‘qassatat’ f’Wied il-Għasri

Invażjoni ta’ bram laħqet il-kosta tat-Tramuntana tal-kosta t’Għawdex. Dan esperjenzah il-Professur Alan Deidun li waqt li kien qed jogħdos f’Wied il-Għasri seta’ jgħodd mal-mitejn qassata (fried egg jelly fish), tip ta’ brama, magħrufa wkoll bħala tal-lampuki.

Il-Professur Deidun qal li dan it-tip ta’ bram dejjem jidher f’dan iż-żmien tas-sena, meta t-temperatura togħla iżjed minn 25 grad.  “Dan huwa s-sabiħ tan-natura. Għandek speċi differenti li tidher fi żmien partikolari tas-sena. Il-qassatat dejjem jidhru wara Santa Marija.” Il-kelliem qal li din l-ispeċi tinstab l-aktar fil-Mediterran tal-Punent; fin-naħat ta’ Spanja, l-Italja u t-Tuneżija.

Waqt li nnota mill-qrib is-sbuħija ta’ dan il-bram – tħabbat bħal qisha qalb, il-Prof. Deidun qal li dan mhux ta’ periklu għax ma jniggiżx.

Il-Professur Deidun appella biex min jinnota bram fl-ibħra lokali jibgħat ir-rapporti tiegħu lill-kampanja Spot The Jelly Fish.

Isma’ hawn il-kumment sħiħ tal-Professur Alan Deidun:

Aħbarijiet Oħra
Storja

Heritage Malta qed tistieden lill-pubbliku u lill-veterani tal-flotta rjali Ingliża biex il-Ġimgħa li ġej jattendu għall-attività msejħa ‘memory box’ fl-istess forti li l-Ingliżi kienu iqisuh daqs li kien bastiment fil-Port…

Lokali

Is-servizz tat-Telecare reġa’ qed jopera wara li aktar kmieni kien sospiż. Fi stqarrija, is-Segretarjat Parlamentari għal Persuni b’Diżabilità u Anzjanità Attiva flimkien mad-Dipartiment tal-Anzjanità Attiva u Kura fil-Komunità rringrazzjaw lill-operatur tal-impenn…

Saħħa

Intlaħaq ftehim bejn Steward Healthcare u l-MUMN dwar id-Dipartiment tal-Fiżjoterapija fl-Isptar San Luqa. Fi stqarrija maħruġa mill-Ministeru għas-Saħħa ntqal li wara intervent mid-Deputat Prim Ministru u l-Ministru għas-Saħħa Chris Fearne, saret…

Aktar