Kurżitajiet
ARA: Ipproponielha u waqalha ċ-ċurkett fi sprall tad-drenaġġ f’Times Square

John Drennan kien ilu jumejn jistenna l-mument opportun biex jipproponi lil Daniella Anthony u jdur biċ-ċurkett fil-but.

Minkejja li ċ-ċurkett kien kbir wisq għal Danielle, John xorta nsista li għandha tilbsu u huma u sejrin lejn ristorant viċin Times Square, f’New York, iċ-ċurkett żelqilha minn subgħajha u waqa’ ġo sprall tad-drenaġġ.

Il-koppja minnufih għamlu rapport mal-pulizija li raw kif għamlu biex jgħinuhom iżda ħidmiethom ma wasslitx għas-sejba taċ-ċurkett.

Daniella qalet li kienet qalbha maqtugħa u b’xejn ma setgħet tikkonsla tant li telqu bil-ġenn mingħajr ma ħallew id-dettalji tagħhom mal-pulizija.

Iżda l-ħidma tal-NYPD ma waqfitx hemm u baqgħu għaddejjin sakemm sabuh. Fuq Twitter, in-NYPD ħabbru li kienu sabu ċ-ċurkett iżda ma kellhomx id-dettalji tal-koppja biex jinfurmawha. Il-pulizija għalhekk talbet lill-pubbliku jxerred il-filmat tal-koppja qed tfittex iċ-ċurkett bit-tama li jinstabu.

B’xorti tajba, ħabib tal-koppja li ra l-filmat għarafhom u ċemplilhom minnufih biex jinfurmhom bl-aħbar.

Il-koppja qalu li qatt ma bassru li ċ-ċurkett kien se jinstab tant li kienu qatgħu qalbhom. Huma rringrazzjaw lill-NYPD tad-dedikazzjoni u l-għajnuna li offrewlhom.

 

 

Aħbarijiet Oħra
Reliġjon

Il-Papa Franġisku preseda l-funzjoni tal-Adorazzjoni tas-Salib fil-Bażilika ta’ San Pietru fil-Vatikan. Il-funzjoni saret bil-Latin għalkemm l-omelija saret minn Patri Raniero Cantalamessa bit-Taljan li bbaża l-omelija tiegħu fuq it-tbatija ta’ Kristu…

Barranin

Ġurnalista li kienet qed tirrapporta dwar irvell f’Londonderry fl-Irlanda nqatlet b’tir. Il-Pulizija qed tittratta dan il-każ bħala inċident terroristiku. Intant, dissidenti Repubblikani qed jiġu akkużati bil-qtil ta’ Lyra McKee ta’ 29…

Barranin

Il-Papa Franġisku ċċelebra l-Quddiesa tal-Aħħar Ċena ta’ Ħamis ix-Xirka f’ħabs qrib Ruma. Huwa ħasel u bies saqajn tnax-il ħabsi. Din hija l-ħames darba li l-Papa mexxa s-servizz lil hinn mill-Vatikan,…

Barranin

Bradley Welsh, boxer, futboler, u attur Skoċċiż, inqatel fi sparatura f’Edinburgh. Bradley, li kellu 42 sena, kien ħalla l-isports warajh biex daħal fid-dinja taċ-ċinema. Huwa kien wieħed mill-atturi ewlenin fil-film…

Aktar