Trasport
ARA: Iqandlu karozza biex tgħaddi tal-linja f’San Pawl il-Baħar

Grupp ta’ rġiel dalgħodu spiċċaw iqandlu karozza biex tkun tista’ tgħaddi xarabank f’San Pawl il-Baħar.

Xhieda fuq il-post qalu lil TVM li l-karozza tal-linja mhux soltu tgħaddi minn din ir-rotta, iżda minħabba xogħlijiet ta’ kostruzzjoni qed tgħaddi minn toroq oħra fi triqtha lejn Tas-Sliema.

Għalkemm il-karozza ma kinitx ipparkjata fuq linji sofor, ix-xhieda qalulna li kien hemm tabella li tavża lis-sewwieqa biex ma jipparkjawx hemm.

Żewġ karozzi tal-linja, kif ukoll numru ta’ karozzi oħra, għamlu kważi tliet kwarti mwaħħlin f’din it-triq; mid-9.30am sal-10.10am.

Fuq il-post waslu l-Pulizija u l-gwardjani lokali, iżda ma rnexxilhomx jagħmlu kuntatt ma’ sid il-karozza, li sadanittant jidher li laqħet ġarrbet xi ħsarat, fosthom mera maqlugħa u selħa mal-ġenb.

Dawk preżenti ddeċidew li jsolvu l-problema billi jqandlu l-karozza u jmexxuha lura, biex b’hekk il-karozzi tal-linja setgħu jkomplu fi triqthom.

Aħbarijiet Oħra
Kronaka

Mara sofriet minn ġrieħi gravi wara li llejla kienet involuta f’inċident tat-traffiku.  L-inċident seħħ għall-ħabta tal-5pm fi Vjal Blue Grotto, fiż-Żurrieq. Fuq il-post marru l-Pulizija tad-Distrett fejn minn stħarriġ preliminari li…

Kultura

Bit-tema ‘Jiddefendu l-Libertajiet Tagħna’, il-bini tal-Parlament qed jilqa’ wirja fotografika biex tfakkar it-30 anniversarju tal-Premju Sakharov. Wirja fotografika li qed issir fil-Parlament tixħet dawl fuq erba’ esponenti ewlenin favur id-drittijiet…

Kronaka

L-għada li dar f’Ħal Luqa inħakmet min-nar qawwi, il-komunità ta’ Ħal Luqa qamet titkellem dwar dak li għaddiet minnha l-familja Theuma, magħrufa għall-presepju li tesebixxi kull sena fi żmien il-Milied….

Knisja Maltija

Għeluq sena ta’ anniversarji fiż-Żurrieq  b’pellegrinaġġ bl-istatwa titulari ta’ Santa Katarina li għalqet mitejn sena. Arja ta’ festa fiż-Żurrieq il-Ħadd filgħodu, b’pellegrinaġġ bl-istatwa titulari ta’ Santa Katarina li għalqet mitejn…

Aktar