Temp
ARA: Ir-riħ jiksi t-triq tal-Għadira bir-ramel – diversi karozzi weqfin

Donnu t-temp ma jridx jaf u minkejja li llum l-ewwel ġurnata tar-Rebbiegħa, il-gżejjer Maltin mistennija jintlaqtu b’riħ qawwi u maltemp sa tmiem il-ġimgħa.

Filmat li ttella’ fuq il-midja soċjali juri kif ir-riħ qawwi mill-Grieg il-Lvant kesa t-triq tal-Għadira bir-ramel mal-lejl b’xi wħud mill-karozzi spiċċaw wieqfin dalgħodu hekk kif ma setgħux isuqu aktar.

L-uffiċċju meterjoloġiku qed ibassar li r-riħ illum jaf jilħaq qawwa ta’ riefnu f’xi waqtiet.

Filwaqt li r-ramel fit-toroq qed jitneħħa, is-sewwieqa xorta qed jiġu mwissija jsuqu bil-galbu.