Mużika
ARA: Isaħħru l-pubbliku bil-vuċijiet tagħhom

It-tenur Malti Joseph Calleja flimkien mal-kantanta żagħżugħa Emma Muscat u l-kantant Taljan Eros Ramazzotti taw prestazzjoni mill-isbaħ ilbieraħ filgħaxija fuq il-Fosos, il-Furjana.

Jattendu dan il-kunċert, li sar appuntament annwali, kien hemm madwar 15,000 persuna.

It-tenur Malti żvela li s-sena d-dieħla, mistieden ikanta flimkien miegħu waqt il-kunċert mistenni jkun hemm it-tenur Taljan ta’ fama dinija, Andrea Bocelli.

Waqt il-kunċert tal-bieraħ spikka t-talent ta’ Joseph Calleja li wera l-kapaċitajiet tiegħu bħala artist fejn interpreta mużika ta’ ġeneri differenti.

Eros Ramazzotti saħħar lill-pubbliku fejn kanta bosta mill-kanzunetti popolari mir-repertorju tiegħu waqt il-kunċert, fosthom I Belong to You, li miegħu kantat Emma.

Ir-rispett li hemm bejn Ramazzotti u Callejja iżda spikka matul il-kunċert hekk kif bejn battuta u oħra ż-żewġ kantanti, minkejja li ġejjin minn ġeneri mużikali differenti taw spettaklu u paxxew lill-udjenza bid-dwetti tagħhom.

Aħbarijiet Oħra
Edukazzjoni

Il-Fondazzjoni President’s Trust kompliet tqassam tagħmir lil tfal li għandhom diffikultà bil-vista biex tgħinnhom fil-mixja edukattiva tagħhom. B’kollox il-fondazzjoni qassmet b’kemm jiswa €150,000 f’tagħmir tal-informatika lil 65 tifel u tifla….

Saħħa

L-Alleanza Nazzjonali għall-Mard Rari bħalissa għandha 200 membru li għandhom marda rari. Dan qalitu ċ-Chairperson u Fundatriċi tal-Alleanza, Michelle Muscat, meta tkellmet f’attività fl-okkażjoni tat-tielet sena mit-twaqqif ta’ din l-għaqda…

Xogħol

Il-General Workers Union qed issejjaħ għal emendi fil-liġi tax-xogħol biex il-prinċipju ta’ ħlas ugwali għall-istess xogħol jitwessa’ u jkopri lill-ħaddiema kollha li jaħdmu f’azjenda, inkluż dawk li m’humiex f’impjieg dirett…

Aktar