Saħħa
ARA: It-tabib Malti li jmexxi katina famuża ta’ kliniċi u sptarijiet fl-Istati Uniti

Tabib Malti għadu kemm inħatar biex imexxi waħda mill-aktar istituzzjonijiet prestiġjużi fil-qasam mediku: il-Mayo Clinic, ibbażata fl-Istati Uniti.

Dr Gianrico Farrugia, stqarr ma’ TVM li għalkemm ilu 30 sena jgħix l-Istati Uniti, ma jinsa qatt il-mument li ra lil missieru bid-dmugħ f’għajnejh meta qallu li se jħalli Malta għalkollox biex imur jaħdem barra.

Għal dawn l-aħħar 30 sena, Dr Gianrico Farrugia għex l-Istati Uniti fejn ħadem f’waħda mill-akbar istituzzjonijiet tas-saħħa rinomati fid-dinja: Mayo Clinic.

F’Awwissu li għadda, Dr Farrugia ġie elett bħala Kap Eżekuttiv ta’ din l-istituzzjoni li topera bosta sptarijiet u kliniċi, fosthom fi Florida u Arizona, u timpjega kważi 70,000 professjonist f’oqsma differenti tas-saħħa.

Il-Kap Eżekuttiv tal-Mayo Clinic, Gianrico Farrugia ”it’s a huge honour for me, and for somebody who grew up in Malta and through the Mayo system. Am also humble by the trust that was placed in me by the patients, by our staff to ask to lead this institution.”

Dr Farrugia hu tabib li jispeċjalizza fl-intern. Għandu għal qalbu r-riċerka dwar mard li jolqtu l-imsaren u l-istonku.

”So for example one of the diseases I’m interested in is a disease called Achalasia which is a disease of our swallowing tube called the oesophagus and sometimes it doesn’t empty properly. I also study the stomach – there’s a condition called – Gastroparesis when stomach doesn’t function properly and sometimes effects people with diabetis” kompla jgħid Dr Farruga.

Dr Farrugia, li ġej minn familja ta’ tobba, jgħid li l-appoġġ li rċieva mingħand il-ġenituri tiegħu u l-edukazzjoni fil-mediċina li rċieva f’Malta kienu kruċjali għas-suċċess li kiseb f’ħajtu.

At the same time Mayo Clinic, which has such global voice continues to treat 1.3 million patients annually from 140 countries and continue to innovate and find better ways at inventing the next generation of healthcare.

Mistoqsi minn TVM jekk jikkunsidrax li jiġi jaħdem f’Malta, Dr Farrugia qal li għalkemm jibqa’ disponibbli li joffri kull għajnuna, hu jara l-ġejjieni tiegħu fl-Istati Uniti.

Aħbarijiet Oħra
Xogħol

L-iskema ta’ xogħol fil-komunità li bdiet fl-2016 kienet taħt il-lenti tal-Awditur Ġenerali li f’rapport li ippreżenta lill-Ispeaker ta ċertifikat pjuttost tajjeb lill-iskema għalkemm iħeġġeġ lill-entitajiet governattivi involuti biex itejjbu l-moniteraġġ…

Ambjent

Malta, flimkien ma’ 8 pajjiżi oħra tal-Unjoni Ewropea u żewġ stati assoċjati, se tkun qed tnaddaf il-bajjiet tagħha f’dak li dak jissejjaħ bħala l-Blue Mediterranean Clean-Up Week. Fl-ewwel ġimgħa ta’…

Blockchain

Erba’ xhur wara li Malta saret l-ewwel pajjiż fid-dinja li użat is-sistema tal-blockchain fil-ħruġ taċ-ċertifikati għall-istudenti, it-teknoloġija tal-blockchain se tibda tintuża għal kuntratti tal-kirjiet, meta fil-jiem li ġejjin se tkun…

Qorti

Il-Pulizija ressqet il-Qorti żagħżugħ u xlietu li bejn Frar u Mejju wettaq ħames serqiet ta’ flus u ġojjelli minn residenzi fl-Imsida u San Pawl il-Baħar. Aliosha Emnadze, Ġorġjan ta’ 24…

Aktar