Agrikultura
ARA: It-tbatija ta’ min jaħdem l-uċuħ tar-raba’

Waqt li l-għaqda Friends of the Earth bdiet kampanja biex tħeġġeġ il-Maltin jagħżlu prodotti tal-biedja lokali, fis-suq tal-bdiewa f’Ta’ Qali rajna bosta konsumaturi jfittxu l-frott u l-ħaxix frisk. Fl-istess waqt tkellimna ma’ diversi bdiewa – nisa u rġiel dwar it-tbatija tal-bdiewa u s-sodisfazzjon tagħhom.

Fis-suq tal-bdiewa f’Ta’ Qali, bħal kull Sibt filgħodu għadd ta’ bejjiegħa kienu bieżla għaddejjin bil-begħ tal-ħaxix u l-frott li jkunu qatgħu mill-ġurnata ta’ qabel jew kmieni filgħodu. Fost il-bejjiegħa Anna Zahra li qaltilna li trabbiet fl-għelieqi u li għal iktar minn għoxrin sena ħadmet fl-għellieqi,

Anna Zahra qalet “sigħat m’għandekx ħin, la leave la sick leave..kien hemm żmien batejt bit-tfal żgħar biex tkompli l-familja tgħix u nġib il-paga”.

Mara li wkoll trabbiet f’familja tal-bdiewa Rosanne Chircop Schembri qasmet magħna l-gost tagħha li tbigħ frott it-tbatija ta’ missierha.

Rosanne Chircop Schembri qalet “għax ikunu jafu x’qed jieħdu mingħand il-bidwi, jafu, iżjed frisk minn hekk ma jistax ikun għax kollox maqtugħ ilbieraħ u ġejna nbigħuh dalgħodu”.

Joseph Schembri li ghandu 70 sena ilu għomru u żmienu jaħdem ir-raba’ min filgħodu filgħaxija. Spjegalna li t-temp mhux dejjem ħanin mal-bdiewa.

Joseph Schembri qal “fih it-tbatija, biex tgħix minn ġo fih iebsa”.

Fis-suq tal-bdiewa membri tal-għaqda Friends of the Earth ħeġġew lin-nies biex dejjem jagħżlu frott u ħaxix tal-bdiewa lokali.

Martin Galea minn Friends of the earth qal “qed nippruvaw inqarrbu lin-nies u l-bdiewa biex kulħadd jispjega s-sitwazzjoni u kulħadd jifhem il-bżonnijiet ta’ kulħadd”.

Is-sur Martin Galea mill-Friends of the Earth qal li din hija parti minn kampanja li qed jagħmlu għaqdiet ambjentali Ewropej fi sforz biex l-Unjoni Ewopea tagħti iktar sostenn lill-bdiewa u l-prodotti tagħhom.

Aħbarijiet Oħra
Politika

Il-Kunsill Ġenerali tal-Partit Nazzjonalista għad jista’ jiddeċiedi dwar il-futur politiku ta’ Adrian Delia f’każ li jinġabru biżżejjed firem minn fost il-kunsilliera b’talba speċifika biex jissejjaħ vot ta’ sfiduċja f’Adrian Delia…

Droga

Il-Covid-19 ġabet magħha għadd ta’ restrizzjonijiet li affettwaw is-safar u l-importazzjoni ta’ diversi prodotti, jidher iżda li mhux id-droga. Id-Direttur tal-Caritas, Anthony Gatt, qal li f’Malta ma kienx osservat xi…

Aktar